
Rojnamegere Rojîn Altay rê ceza ameye birnayîş

2023-09-14 15:38:13


	&nbsp;

	&nbsp;

	&nbsp;

	STENBOL - Bi sebebê parekerdişê serê medyaya dîjîtale serrêke û 3 aşmî ceza xebatkara rojnameyê Yenî Yaşamî Rojîn Altay rê ameye birnayîş.

	&nbsp;

	Xebatkara rojnameyê Yenî Yaşamî Rojîn Altay 28ê çeleyê 2022ine de raşteyê teyareyê Sabîha Gokçen ê Stenbolî amebî destbendkerdiş û dima ra amebî veradayîş. Bi îdiayê “endamîya rêxistine” derheqê Rojîne de dewa ameye akerdiş. Roniştişê ewilî yê dewa 22yîn &nbsp;Dadgeha Cezaya Giran ya Stenbolî de ame kerdiş. Rojîne tewrê roniştişî nêbî û avûkatê aye Ozcan Kiliç amade bi.&nbsp;

	&nbsp;

	Dozgerî mutalayê xo amade kerdibi, &nbsp;pêşkêşê dadgehe kerd. Dozgerî îdianame de waşt ke Rojîne bi sebebê parekerdişê serê medyaya dîjîtale bêra cezakerdiş.&nbsp;

	&nbsp;

	Avûkat Ozcan Kiliç hemverê mutalayî pawitiş kerd û dîyar kerd ke sûcdarkerdişê miwekîla ey goreyê qanûnê çapemenîye nîyo û vat demê nê sucdarkerdişî vurya yo. Ozcanî waşt, miwekîla ey bêra beratkerdiş.&nbsp;

	&nbsp;

	Serrêke û 3 aşmî ceza birnayî

	&nbsp;

	Dadgehe qerarê xo eşkera kerd û “propagandê rêxistine” ra sînorê kêmî de serrêke ceza Rojîn Altay birna. Dadgerî dima ra bi sebebê ke sûc serê medyaya dîjîtale de ameyo kerdiş, ceza vet serrêke û 6 aşman. Dadgerî dima ra ceza serê “halê baş” kêm kerd û serrêke û 3 aşmî ceza Rojîne rê birna û qerarê hukmî do dima ra bêro eşkerakerdiş.

	&nbsp;

	&nbsp;

	&nbsp;