
'Sebebê şîdeto ke zêde bîyo çaresernêkerdişê meseleya kurdî yo'  

2023-09-12 10:14:46


	&nbsp;

	&nbsp;

	AMED - Avûkat Esra Saçaklidire derheqê îşkence û şîdetê serê şarê kurdî ke raporan de zî vejîyeno raşte ercnaye û vat: “Sebebê şîdetî ke zêde bîyo çaresernêkerdişê meseleya kurdî yo.”&nbsp;

	&nbsp;

	Polîtîkaya şerê taybetî yê îqtîdarî vera şîdet û îşkence her ke şino zêde beno. Serra 2022yî de muracatê seba Weqfê Heqê Merdiman ê Tirkîya (TÎHV) zêde bîyî. Endama Heyetê Şûbeyê Rayîrberîya Komaleya Heqê Merdiman (ÎHD) a Amedî, Avûkat Esra Saçaklidire derheqê şîdeto ke zêde bîyo de ercnayîş kerd.&nbsp;

	&nbsp;

	&nbsp;'Kurdistan bîyo raşteyê tedaye’&nbsp;

	&nbsp;

	

	Esraye da zanayîş ke sebebê zêdebîyayîşê şîdetî çaresernêkerdişê meseleya kurdî yo û wina vat: “Seba ke meseleya kurdî nîna çareserkerdiş şîdet û îşkence zêde bîyî û na rewşe yena meşrukerdiş. Seba ke meseleya kurd yena krîmînalîzekerdiş şîdet yeno meşrukerdiş. Coka ra Kurdistan bîyo raşteyê tedaye.”

	&nbsp;

	&nbsp;'Şîdet tewr zêde bi cinî û tutan yeno kerdiş'

	&nbsp;

	Esraye da zanayîş ke babeta şîdet û îşkenceyî de tutî mîyanê dezavantajî de yê û wina dewam kerd: “Dimayê qerarnameyê Serekkomarîye Peymana Stenbolî ame antiş û şîdet hîna zêde bî. No îstatîstîkan de zî yeno dîyîş. Seba ke şîdet û binpaykerdişî peynî bibê, ganî caardişê cîdî bibê."&nbsp;

	&nbsp;

	&nbsp;'Ganî meseleya kurdî bêra çareserkerdiş'&nbsp;

	&nbsp;

	Esraye dîyar kerd ke heta ke zemînê huqûqî nêro awankerdiş do problemê şîdet û îşkenceyî peynî nêbê û wina domna: “Îqtîdar her tim xo paweno polîtîkayê asayîşî. Ganî fek nê polîtîkayan ra biverdo. Teşhîsêk raşt seba meseleya kurdî bironê coka ra zî şer û pêrodayîş her tim virazîyeno. Sewbîna hîsê dişmenîye zî sur keno. Coka ra zî ganî meseleya kurdî bêro çareserkerdiş."&nbsp;

	&nbsp;

	&nbsp;'Seba çareserîye ganî game bêro eştiş’&nbsp;

	&nbsp;

	Esraye qiseykerdişê xo yê peyênan de ard ziwan ke Kurdistan de polîtîkayê bêcezaverdayîşî yenê weçînitiş û vat: “Kam beno sebebê binpaykerdişê heqan ganî derheqê înan de cipersayîşê bi tesîrin bidîyê destpêkerdiş. Bi taybet wexto ke ma seba herêman ewnîyenê seba çareserîya meseleya kurdî ganî gamê demokratîkî bêrê eştiş. Seba çareserîye ganî gamî bêrê eştiş.”

	&nbsp;

	&nbsp;

	

	&nbsp;