Derheqê cinîyê ke seba tepişteyanê nêweşan çalakî kerdî cipersayîş 

2023-09-11 15:16:43


	 

	 

	ANQARA - Zîndanê Cinîyan ê Sîncanî de derheqê 39 cinîyê ke hemverê nêzdîbîyayîşê cinîyanê tepişteyan de 3 rojî yo werd nêgirewtî de cipersayîş ame destpêkerdiş. 

	 

	Hemsereka verî ya Partîya Herêma Demokratîke (DBP) Sebahat Tuncel a ke 31ine roniştişê dewaya Kobanî de qisey kerd û diyar kerdibi ke do seba Şakir Turano ke Zîndanê Tîpê Lyî de nêweşê kanserê qirike bi û nêweşxane de dinyaya xo bedelnabi û seba tepişteyanê nêweşan ke nînê veradayîş, Zîndanê Sîncanî de 3 rojî werd nêgîrê.

	 

	Derheqê 39 cinîyan de cipersayîşê dîsîplînî ame akerdiş.

	 

	Dimayê ke cinîyê tepişteyî peynîya çalakîya xo ardî, hetê Mudurîyê Înfazî yê Zîndanê Sîncanî ra derheqê 39 cinîyê ke çalakî kerdî de cipersayîş dayî destpêkerdiş. Teblîxo ke tepişteyan rê ame şirawitiş de ame waştiş ke mîyanê 3 rojan de pawitişê xo bikerê.