Cenazeya Leyla Gulcu nêdanê keyeyê aye 2023-09-06 16:00:13     AMED - Netîceyê testê DNAyî ya şerwana YJA-Starî Leyla Gulcu ke 4ê tebaxe de dinyaya xo bedelnabî, 24 rojî yo nêvejîyayo û do keye siba şêro muracatê Serdozgerîya Mêrdînî bikero.   Koyê Bagokî ke serê qezaya Nisêbînî ya Mêrdînî de yo 4ê tebaxe de operasyonêk leşkerî amebi destpêkerdiş û herême amebî bombavarankerdiş. Netîceyê nê bombavaranî de şerwanê YJA-Starî Şekirnaz Kaplan (Gulbahar Mercan), Emîne Kaplan (Eylem Mûnzûr) û Leyla Gulcu (Dîcle Eylem) dinyaya xo bedelnabî. Keyeyê Leyla Gulcu (Dîcle Eylem) 17ê tebaxe de muracat kerdê û naskerdiş û teşhîsê cenaze de zehmetî antê. Dima ra testê DNAyî dayê û testê DNAyê înan şirawitê Stenbol. Bi 24 rojî yo netîceyê DNAyî nêvejîyayo û tu agahî zî nêdayê keye. Cenazeya Leyla bî aşmêke yo Sazgehê Tipê Edlî (ATK) yê Mêrdînî de vindarnenê.   Keyeyê Leyla reaksîyon vera nê mojnayî û dîyar kerdî ke ê do siba şêrê Mêrdîn û reyna do muracatê Serdozgerîya Mêrdînî bikerê.