‘Ma do heqê xo yê ke ameyê xespkerdiş peyser bigîrê’  

2023-09-05 10:16:22


	 

	 

	Rozerîn Gultekîn

	 

	STENBOL - Aktîvîsta TJAyî Tuba Ulu, dîyar kerd ke  fikrê Rayberê PKKyî Abdullah Ocalanî yê derheqê azadîya cinî de do weçînayîşê herêmî yê 2024ine de destkewtişê xo tewr zêde bikerê û vat, "Ma do weçînayîşê herêmî de têkoşînê cinî bi hawayêkê tewr baş rayra berê. Ma do destkewtişê xo yê ke ameyê xespkerdiş peyser bigîrê. "

	 

	Dimayê ke îqtîdarê AKP-MHPyî mabêne serranê 2016-2019ine de îradeyê şarî desteser kerd, bi qeyûman reyde fehmê şaredarî ke xeylêk destkewtişê cinîyan ci de ameyî desteserkerdiş pê ardî. Cinî bi rêxistinbîyayîş û têkoşînê xo yê hemverê nê hêrişan reyde xo amade kenê ke ku weçînayîşê herêmî yê serra 2024ine de reng û vengê xo bimojnê.

	 

	Aktîvîsta Tevgerê Cinîyanê Azadan (TJA) Tuba Ulu, polîtîkayê qeyûman û weçînayîşê herêmî yê 2024ine ajansê ma rê ercna.

	 

	

	Hêrişê îdeolojîk: Qeyûm!

	 

	Tûba ard vîr ke dimayê qeyûmê ke serra 2016 û 2019ine de ameyî wezîfedarkerdiş, şaredarîyan vernê de sazgehê cinîyan û destkewtişê înan ameyî padayîş û vat, “Prosesê hemserekî serra 2014ine de dest pêkerd û 2016ine de qeyûm tayînê şaredarîyan kerdî. Ma xeylêk destkewtişê cinîyan ê sey komeleyê cinîyan, merkezê cuye û Mudurîyê cinîyan desteser kerdî. Nê destkewtişî bi tayînkerdişê qeyûman reyde  hedef ameyî girewtiş. No derbeyêk hukmatê herême bî." Tûba da zanayîş ke hemverê destkewtişî û sazgehê cinîyê kurdî qeyûman reyde hêrîşêk îdeolojîk ame kerdiş û vat, “Cinîyan merkezê cuye yê ke şaredarîyê ma akerdî, cuyêka newe awan kerdêne. Nê sazgehî wexto ke akerde bî, cinîyê ke şîdet înan rê ameyîne kerdiş, muracatê înan kerdêne. La dimayê qeyûman nê sazgehî yan ameyî bêbandorkerdiş yan zî ameyî padayîş. Seba nê şîdetê camêrdî hemverê cinî de her ke şî zêde bî. Nê zî mojna ke stargehê cinîyan ê hetê sîstemî ra ameyî akerdiş, nêbîyê çareserî û cinî nêpawitê."

	 

	'Fikrê Birêz Ocalanî xeylêk muhîm ê'

	 

	Tuba, dîyar kerd ziwanê ke sîyasetmedar û avûkat Aysel Tûglûka ke zîndan de bi nêweşîya demanceyî kewte, serra 2004ine de bî hemserek û eynî serre de temsîlkarîya têduşt ê şaredarîya Partîya Herêmê Demokratîke (DBP) pê ame û vat: "Proses de amanc o bi ke destkewtişê cinîyan zêdeyêr bikerê. Temsîlkarîya têduşt û hemserekî bî sebeb ke îdarekarîyê cinîyan, mudirîyê cinîyan, merkezê cinîyan û meclîsê cinîyan bêrê akerdiş. Cinî bi sîstemê hemserekî xo nas kerdî. Birêz Abdullah Ocalan vano, 'prosesê awankerdişî ke weşik keno,  estetîk keno û ewnîyayîş awan keno cinî ya.’ Ma zî nê  rast vînenê û cuya xo de ca anê. Nê wareyî de fikrê Birêz Abdullah Ocalanî xeylêk muhîm ê û wareyê têkoşînê cinî de rolêk pîl kay kenê."

	 

	'Ma do heqê xo yê ke ameyê xespkerdiş peyser bigîrê'

	 

	Tûba dîyar kerd ke cinî bi pêro hêzê xo têkoşînê xo dewam kenê û vat, “Ma do nêverdê destkewtişê ma bêrê desteserkerdiş. Bi qasê ke serra 2019ine de ma destkewtiş bi dest kerd, ma do bikewê prosesê 2024ine. Ma do heqê xo yê desteserkerde peyser bigîrê. Ma tu wext hêzê xo vînî nêkerd, ma bi eynî enerjî dewam kenê. Ma prosesêk muhîm ra derbaz bî, la hêzê ma nêvurya, eksê ci ma bi hêz bî. Weçînayîşê herêmî de ma do profîlê cinîyanê bi hêz bi hawayêkê tewr baş vejê werte."

	 

	'Îdarekarîyê herêmî de cayê xo bigîrê'

	 

	Tûba da zanayîş ke tevgerê cinîyanê kurdan nê 40 serran de bi bedelê giran destkewtiş bi dest kerdê û vat, “Cinî do bi rolê ke destkewtişê newe, destkewtişê xo yê verê zêde bikerê wurzê û do weçînayîşê xo cayî de rolê xo kay bikerê. Ma cinî cuye weş kenê. Seba nê ganî ma cinî îdarekarîya herêmî de bi hawayêkê aktîf ca bigîrê û peyser nêmanê.”