DÎSK şi serdayîşê Partîya Çep a Keske 

2023-08-28 15:55:24


	 

	 

	 

	ANQARA - Heyetê DÎSKî, Meclîs de serdayîşê verfekanê Partîya Çep a Keske kerd.

	 

	Sereka Pêroyî yê Konfederasyonê Sendîkayê Kedkaranê Şorişgêran (DÎSK) Arzû Çerkezoglû, Serekê Sendîkaya Karê Pêroyî (Genel Îş) Remzî Çalişkan û îdarekarê DÎSKî serdayîşê verfekê Partîya Çep a Keske Çîgdem Kiliçgun Ûçar û Îbrahîm Akinî meclis de kerd. Parlamenterê Partîya Çep a Keske yê Êlihî Mehmet Ruştu Tiryakî û endama MYKyî Sevtap Aktag û Mehmet Nûrî Ozdemîr tewrê serdayîşî bîyî.

	 

	Sereka DÎSKî Arzû Çerkezoglû derheqê kampanyaya, 'Bacî de Edalet' agahî da û vat: “Ganî barê giran ê bacî yê serê xebatkaran ra bêro wedaritiş."

	 

	Hemverfekê Partîya Çep a Keske Îbrahîm Akinî zî wina vat: "Demê neweyî de hêzê girewtişî her ke şino keweno. Seba vilabîyayîşê muxalefetî, têkoşîn de nuqteyê hempar nînê awankerdiş. Ma zî hewl danê ke na vengîya  muxalefetî padê û bi pêro muxalefetî reyde xetêke hempar awan bikerê. Rejîmo bîyaye, xebatê tasfîyekerdişê sîyasetê kurd û muxalefetî dewam keno. No, eynî wextî de hewl dano ke her kesî nê têkoşînî de tasfîye bikero. Ma têkoşînê Akbelenî de dî. Eke ma yewîya xo ya têkoşînê kuçeyî de, bi vatişê xo yê meclîsî de hempar bikerê, do têkoşînê komelî gird bibo."

	 

	Hemverfeka Partîya Çep a Keske Çîgdem Kiliçgun Ûçar zî vat ke do têkoşînêk bi tesîr rayra berê.