Di cinî ameyî destbendkerdiş 

2023-08-23 14:55:17


	 

	 

	DÎLOK - Netîceyê sereştişê keyeyan ê Dîlokî de 2 cinî ameyî destbendkerdiş. 

	 

	Vizêr hela şanî polîsan Dîlok de eşt keyeyanê endamê Partîya Sosyalîst a Bindestan (ESP) ser. Netîceyê sereştişê keyeyan de Mîhrîban Aslan ke eynî wextî de namzeda parlamenterîye ya Partîya Çep a Keske ya Dîlokî bî û Hatîce Ozaslan ameyî destbendkerdiş. Sebebê destbendkerdişî nêame zanayîş û seba dosyaya înan qerarê nimitişî ame dayîş. Ame zanayîş ke destbendkerdeyî Şubeyê TEMî yê Dîlokî de yenê tepiştiş.

	 

	Avûkatê Mîhrîban Aslane şewa bîn TEMyî de bi miwekîla xo reyde pêvînayîş kerd. Mîhrîbane pêvînayîş de dîyar kerdo ke bi sebebê nuşteyê “Seba Pirsûsî Edalet” ameyê destbendkerdiş û TEM de cigêrayîşê zitî ci rê ameyo ferzkerdiş. Sewbîna ame dîyarkerdiş ke demê sereştişê keyeyî de polîsan dest dayo serê rojnameyê Atilimî û cilê ke Mîhrîban Aslane wextê nuşteyî de xo pay kerda.