8 cinî hemverê rejîmê Talîbanî vejîyayî tepişyayî 

2023-08-22 15:16:50


	 

	 

	MERKEZÊ XEBERAN - Afganîstan de 8 cinîyê ke hemverê rejîmê Talîbanî xo ver danê, destbend bî û dima ra tepişyayî.

	 

	Dimayê ke Talîban Afganistan de bi îqtîdar, tedayê serê cinîyan zî zêde bî. Hêzê Talîbanî eşt serê keyeyê  8 cinîyê xoverdayoxan û destbend kerd û 8 cinî dima ra tepişyayî.

	 

	Awankerdoxa Tevgerê Protestoyî ya Koma Yewîye û Paştdayîşê Cinîyan ê Afganî Dr. Zahra Haqparaste seba  Ajansê Xeberan ê Cinîyan de qisey kerd û paştrast kerd ke cinîyê ke Talîban protesto kerdêne, hetê hêzê Talîbanî ra ameyî tepiştiş. Talîbanî heta nika zî derheqê cinîyê ke ameyî tepiştiş tu eşkerayîye nêdayê û nîno zanayîş ke cinîyê tepişteyî berdê ça. Dîmenêk wextê destbendkerdişî de ameyî bidestkerdiş û dîmen de hêzê Talîbanî sebebê sereştişê keyeyî û destbednkerdişî seke “têkoşînê hemverê Talîbanî” mojnenê.

	 

	6 cinîyê ke tepişyayî û dima ra nameyê înan ame musayîş wina yê: "Hajar, Hasina Sarvari, Farida Mohib, Tula Atai, Limah û Xatul."