
Bajarê tarîxî serê xilikê awe de yeno neqşkerdiş 

2023-08-21 11:53:01


	&nbsp;

	&nbsp;

	Oznûr Deger

	&nbsp;

	MÊRDÎN - Bajarê Tarîxî Mêrdîn de Fatma Guneşa ke xilikan (kuyê awe) açarnena berhemêk hunerî vat: “No kar mi rehabîlîte keno. Mi verê cû tasarimê xişiran kerdêne. Dima ra mi dest bi xilikan kerd. Ez neqşê xo goreyê ercanê gerdunî, kulturî û herêmî virazena.”&nbsp;

	&nbsp;

	Mêrdîn yew bajarê tarîxî û qedîm ê Mezopotamyaye ra yew o û bi cîyaye û bedewîyê xo yê cîyayan bala merdiman anceno. Fatma Guneşe bajaro ke bi hunerê xo yê destan zî yeno zanayîş de xilikê cîyayan ê hunerî virazena.&nbsp;

	&nbsp;

	Ganî cinî raşteyo ke wazena xo aver biba&nbsp;

	&nbsp;

	Fatmaya ke Nisêbîn de heta sinifê 5ine mekteb wenda, dima ra mecbur menda ke fek mektebî ra vera bida. Fatmaye pare kena ke badê 24 serrîya xo reyna teber ra dest bi mektebî kerda û dimayê 4 serran mektebê mîyanenê û amadekarî qedênaya. Fatmaye ard ziwan ke 29 serrîya xo ra dima dest bi unîversîteye kerda û da zanayîş ke ganî cinî raşteyo ke wazena de xo aver biba.&nbsp;

	&nbsp;

	Dest karê xo ra vereda&nbsp;

	&nbsp;

	Fatmaye bado ke demêk kilm merkezê rehabîlîtasyonî de xebetîyena, pê hesîyena ke no kar goreyê aye yo û verê xo dana hunerî. Fatmaya ke bado ke eleqeya xo ya hemverê hunerî kifş kena bi pêserkerdişî dest bi viraştişê xilikan kena û no 8 serrî yo ke eynî karî kena. Fatmaye bi nê vatişan qala karê xo kerd: “Wexto ke ez şîyêne unîversîte, seba ke rewşa mi ya ekonomîye baş nêbîye, mi dest bi karê resimviraştişî kerd. Kişta nê de zî mi karê xo aver berd. Dima ra mi bi ewnîyayîşê vîdeoyan derheqê aynî karî de xo aver berd. Mîyanê 3 aşman de mi kuyan akerd, kerd û pakî kerd û neqş kerd. 8 serrî yo ez nê karî kena.”&nbsp;

	&nbsp;

	'Karo ke mi rehabîlîte keno'&nbsp;

	&nbsp;

	Fatmaye dîyar kerd ke bado ke xo nê karî de aver bena, Dêrsim de dest bi çinitişê kuyan kena û wina vat: “Îklîm ra kuyê ke mi ramit nêgirewt. Coka ra ez zafane herêma Egeye de kuyan herînena û açarnena. Nika zî ez nê karî de averşîyayîşê xo dewam kena. Îmkanê mi yê resîmviraştişî estbî la mi nê karî ra hes kerd. Karo ke mi rehabîlîte keno yo. Verê cû mi tasarimê xişikan kerdêne.”&nbsp;

	&nbsp;

	'Ez neqşê xo goreyê ercanê kulturî virazena'

	&nbsp;

	Fatmaya ke nizdîyê 5 aşmî verê cû Dêrsim de cayê xo yê karî girewt û bi dikanê xo yê Mêrdînî ke newe akerda dest bi karê xo kerd û nê çîyan vat: “Seba ke karê mi zaf newe yo, heta nika hunerê mi bi temamî nêameyo zanayîş la ez fikirîyena ke do bale bianco. Tewr vernî ez kuyan herînena. Mîyanê kuyan akena, pakî kena û şuyena. Dima ra ez dest bi xêzkerdiş û neqşkerdişî kena. Dima ra ez makîneyêk sey drillî qalibê xo xêz kena. Goreyê ked û xêzkerdişo ke virazena, ez mabêne 3-4 rojan de kundirêk awe xêz kena. Goreyê ked û xêzkerdişo ke ez ser de virazena no dem bedilîyeno. Ez bi zafane neqşê xo goreyê ercê gerdunî, kulturî û herêmî virazena.”&nbsp;

	&nbsp;

	'Ganî her kes çîyo ke ci ra hes keno bikero’&nbsp;

	&nbsp;

	Fatmaye her çend ke verê cû rehabîlîtasyon û baxçeyê tutan de xebetîyaya zî fek karê xo ra nêverdaya û verê xo daya dîzayn û berardişî û vana ke ganî merdim karo ke ci ra hes keno bikero û seba ke xo baş hîs bikero, bikero.

	&nbsp;

	&nbsp;

	

	&nbsp;