Wan de paştdayîşê seba Dayîkê Şemeyî

2023-08-19 13:49:47


	 

	 

	WAN - Astengkerdişê çalakîya Dayîkê Şemeyî/Merdimê Şemeyî û destbendkerdişan Wanî ame protestokerdiş.

	 

	Komeleya Heqê Merdiman (ÎHD) ê Wanî, astengkerdişî çalakîya Dayîkê Şemeyî/Merdimanê Şemeyî yê Raşteyê Galatasarayî û destbendkerdişê înan protesto kerd. Çalakîya ke ameye organîzekerdiş de Komeleya Huqûqnasê seba Azadîye (OHD) û xeylêk avûkatî tewr bî.

	 

	Bi sebebê ke Walîtiya Wanî 2 rojî qedexeyê çalakîyan îlan kerdo, polîsan destûr nêda ke teber de eşkerayîye bêra dayîş û asteng kerd. 

	 

	Xeylêk kesê ke verê awanîya Şubeyê ÎHDyî yê Wanî de kom bî, serê astengî de dest bi çalakîya roniştişî kerdî û sloganê “Ercê merdimayî do zorê îşkence bero" û “Zext nêeşkeno ma bido vindarnayîş" ame berzkerdiş û astengîya polîsan ame şermerzarkerdiş.  

	 

	Çalakî bi çepik û slogana bi peynî bî.