
Dîwanê Edebîyatî seba cinîyê ciwane komxebatêk pê ard  

2023-08-18 14:43:27


	&nbsp;

	&nbsp;

	MERKEZÊ XEBERAN - Dîwanê Edebîyatî komxebatêk edebîyatî seba cinîyê ciwane da destpêkerdiş. 11 cinîyê ciwanê kurd û erebî komxebate de ca gênê û musenê nuştoxîye.&nbsp;

	&nbsp;

	Her serrre Dîwanê Edebîyatî yê Bakur û Rojhelatê Sûrîyeye ‘Hewteyê Hunerî’ pê ano. Hewteyê hunerî yê serra 2022yî de hetê nuştoxê hadre ra qerarê caardişê ‘Komxebata Gurkerdişê Eserê Edebîyatî yê Cinîyê Ciwan’ amebî dayîş.&nbsp;

	&nbsp;

	Emserr 15ê Tebaxe de komxebata ke bi tewrbîyayîşê 11 cinîyê ke kurd û erebanê herêma Cizîrî ra pê ameyêne, dest pêkerd. Hewte de di reyan cinîyê ciwan Qamişlo de arê benî û hetê mamsoteyê pisporî ra musenê huner û şeklê nuştişî.&nbsp;

	&nbsp;

	Verfeka Dîwanê Edebîyatî yê Bakur û Rojhelatê Sûrîye Narîman Evdikê ajansê ANHA rê qisey kerd û da zanayîş ke seba paştîdayîşê cinîyê ciwanî yê ke wazenê derbasê raşteyê nuştişî bibî, na komxebate dayî destpêkerdiş û wina vat: “Dersî bi kurdî û erebî yê. Ma waşt şert û mercê nuştişî bi zelalî bi înan reyde pare bikerê.”&nbsp;

	&nbsp;

	Sewbîna kişta Dîwanê Edebîyatî yê Bakur û Rojhelatê Sûrîyeye de nuştiş û kitabê cinîyan bi hawayêk cîya yenê ercnayîş. Narîman Evdikê derheqê babete de vat: “Seba ke hîssê cinîyan ê nazik o, kalemê înan zî cîya yo; tewr zêde zî no edebîyat de vejîyeno raşte."

	&nbsp;