
NADAyî paştdayîşê hemleyê seba cinîyê Şingal û Afganî kerd  

2023-08-04 13:25:09


	&nbsp;

	&nbsp;

	MERKEZÊ XEBERAN - NADAyî dîyar kerd ke ê paştdayîşê hemleyê KJKyî yê “Hemverê hêrişê camêrdan ê hegemon, ma bi cinîyê Afgan û Şingalî reyde yê’ kerd û vengdayîşê naskerdişê fermî yê qirkerdişê cinîyan û hewldayîşê seba xelesnayîşê bi hezaran cinî û tutanê êzidî destê çeteyê DAIŞî kerd.

	&nbsp;

	NADA (Hevalbendîya Cinîyanê Herêman ê Demokratîke Vakurê Afrîkayî û Rojhelatê Mîyanên) eşkerayîyêke da û paştdayîşê xo hemleyê KJKyî rê mojna. Do hemle mabêne 3-15ê Tebaxe de bi sloganê, ‘Hemverê hêrişê camêrdan ê hegemon, ma bi cinîyê Afgan û Şingalî reyde yê’ pê bêro.

	&nbsp;

	Eşkerayîye de no ame vatiş:

	&nbsp;

	“Ma hevalbendîya NADA û hetê bawerîya ma bi no hemle esto reyde, ma rayaumumî rê neql kenê ke paştdayîşê xo nê hemleyî rê nîşan danê û sipasîya KJKyî seba destpêkerdişê nê hemleyî kenê. Ma seba na wesîla pêro kesê ke qirkerdişê komî yê Şengalî ra derbaz bîyê û yê Afganistan de zî nê qirkerdişî ra derbaz bîyê, anê xo vîr. Ma nê hêrişê hovane yê hemverê cinî û tutan, şaran û hêrişê hemverê welatijê êzidî yê Şingalî yê ke hetê çeteyê DAIŞî yê terorîst ra şermezar kenê. Ma hêrişê hovane yê hemverê cinîyanê Afganîstanî û şarê Afganistanî ke antişê hêzê Amerîkayî, tevgerê Talîbanî ameyo serê îqtîdarî û sûc pê ardê, şermezar kenê. Ma bi na wesîla dîyar kenê ke ma do kîşte şarê bindest û cinîyan vinderê û serberzîya xo hemverê xoverdayîşê cinîyê Şingalî û Afganistanî seba pawitişê bîyayîş, azadî, cuye û şarê xo rê paştdayîş danê.&nbsp;

	&nbsp;

	Qirkerdişê cinîyan sûcêk bêmerdimayî yo la heta nika nêameyo naskerdiş. Bi nê reyde sûcdarî ceza nêgînê û hîna zêde dewletan ser nê hêrişan de hemverê cinîyan yenê xelatkerdiş. Coka têkoşînê cinyan ê hembeş û aktîf hemverê nê sîyasetê qirkerdişî û qirkerdişê cinîyan bibo.

	&nbsp;

	Goreyê ci û paştîdayîşê hemleyî, ma venga hetê mîyannetewîye yê eleqedaran kenê ke DAIŞ û Talîbanî serê sucê şer û teberê merdimîye yê ke vera şarê êzidî û Afganistanî de bi temamî û vera cinîyê êzidî û Afganistanî de bi taybet pê ano muhakeme bikero. Nimuneyê nê çîyî zaf ê. Ma veng danê ke dewlet û hetê ke rolê înan nê qirkerdiş û qirkerdişê Şingalî de estî, ceza bikerê. Heto bîn de ma venga naskerdişê fermî yê qirkerdişê cinîyan kenê û venga hewldayîşê xelisnayîşê bi hezaran cinî û tutanê êzidî ke destê DAIŞî de yê kenê. Ganî agêrayîşê asayî şarê êzidî rê bêro viraştiş. Heto bîn de ma venga pêroyê hêzê mîyanneteweyî kesê ke tawîz bidî kesê şerî ra zirar dîyê û herêmê ke hetê çeteyan ra ameyî mayînkerdiş pakî bikerê û Şingalî tamîr bikerê.&nbsp;

	&nbsp;