
Tepişteyê ke deyîra kurdî vatî kerdî hucre  

2023-08-01 14:32:54


	&nbsp;

	&nbsp;

	AGIRÎ - Cinîyê ke Zîndanê Tîpa Lyî yê Panosî de yenê tepiştiş seba ke deyîra kurdî vatî û goveng çarnayî kerdî hucre.&nbsp;

	&nbsp;

	Binpaykerdişê heqan ê hemverê tepişteyan dewam keno. Cinîyê ke Zîndanê Tîpa Lyî yê Panosî de yenê tepiştiş seba ke deyîra kurdî vatî û goveng çarnayî kerdî hucre. Zozan Kabişen û 3 tepişteyê bînî seba ke deyîra kurdî vatî û govende çarnayî îdareyê zîndanî înan vist hucre. &nbsp;&nbsp;

	&nbsp;

	Goreyê malumatanê ke keyeyê tepişteyan da no nizdîyê yew hewteyî yo cinîyê tepişte hucreyê yewkesîye de yê. Heto bîn de malumat înan ra nîno girewtiş.&nbsp;

	&nbsp;

	Binpaykerdişê heqê tepişteyan&nbsp;

	&nbsp;

	Zîndanê Tîpa Lyî yê Panosî her tim bi binpaykerdişê heqê tepişteyan yeno rojeve. Tepişteyê ke nêweşê giran ê randevuyê revîr û nêweşxaneyî zaf erê gênê. Werdê uca zaf xirab ê, çîyê ke kantîn de yenê rotiş zaf vaye yê, her tim cigêrayîşê qawişan yeno kerdiş. Awa şimitişî zî lêşin a û tepişteyan dîyar kerd ke awa şimitişî ra boya xirab yena.&nbsp;

	&nbsp;