
Roniştişê kiştoxê Sakîne Kulture ame taloqkerdiş  

2023-08-01 14:17:20


	&nbsp;

	&nbsp;

	&nbsp;

	ŞIRNEX - Serekê Ocaxê Têgêrayîşê Taybet ê Bajarî Îbrahîm Barkinî Sakîne Kulture qetil kerdbî û dewa ci rê ameybî akerdiş. Bi waştişê dozgerî, mehkema qerar da ke roniştişê bîn de lajê Sakîne, Mehmet Kulturî bêro goşdarîkerdiş.&nbsp;

	&nbsp;

	Serekê Ocaxê Têgêrayîşê Taybet ê Bajarî Îbrahîm Barkinî 13ê gulana 2022yî de cinîya bi nameyê Sakîne Kulture qezaya Silopî ya Şirnexî de qetil kerdbî û dewa ci rê ameybî akerdiş. Kiştişê Sakîneye vera bi sebebê ‘Bi plankerde kiştiş û bi ezîyet kiştiş’ ra derheqê &nbsp;Îbrahîmî de dewa ameybî akerdiş. 4ine roniştişê dewaye 2ine Mehkemaya Cezaya Girane ya Şirnexî de ame dîyîş. Avûkatê Komîsyonê Cinî û Tutan ê Baroyê Şirnexî û yê Wezîrîya Polîtîkayê Keye û Xizmetê Komelî tewrê roniştişî bîyî. Kiştox Îbrahîm Barkinî zî zîndano ke tede yeno tepiştiş ra bi rayîrê Sîstemê Veng û Dîmenî (SEGBÎS) tewrê roniştişî bî.&nbsp;

	&nbsp;

	Do lajê Sakîneye bêro goşdarîkerdiş&nbsp;

	&nbsp;

	Avûkatê Wezîrîya Polîtîkayê Keye û Xizmetê Komelî û Komîsyonê Cinî û Tutan ê Baroyê Şirnexî waştî ke rewşa tepiştişî ya kiştoxî dewam bikera. Heto bîn de dozgerî waşt ke roniştişê bîn de lajê Sakîne Kultur, Mehmet Kulturî bêro goşdarîkerdiş.&nbsp;

	&nbsp;

	Kiştox waşt tehlîye bibo &nbsp;

	&nbsp;

	Kiştox Îbrahîm Barkinî zî vera mutalaaya dozgerîye pawitişê xo yê verê cû dibare kerd û waşt ke bêro tehlîyekerdiş. &nbsp;&nbsp;

	&nbsp;

	Roniştiş taloqê 5ê Teşrîna Verêne ame kerdiş&nbsp;

	&nbsp;

	Heyetê mehkema qerar da ke rewşa tepiştişî ya kiştoxî dewam bikera, roniştişê bîn de Mehmet Kulturî bêro goşdarîkerdiş û roniştiş taloqê 5ê Teşrîna Verêne kerd.&nbsp;

	&nbsp;