Rojnamegere Evrîm Kepeneke ameye destbendkerdiş 

2023-07-25 14:47:24


	 

	 

	 

	STENBOL - Polîsan eşt serê keyeyê Rojnamegere Evrîm Kepeneke û aye destbend kerdî.

	 

	Edîtora cinîyan û heqê LGBTÎ+ Evrîm Kepeneke wexto ke keyeyê xo yê Çukurcuma yê Stenbolî de bî, polîsan eşt serê keyeyê aye. Dimayê saetêke cigêrayîşê keyeyî polîsan destê Evrîme kelepçe kerdî û aye destbend kerdî. Derheqê babeta destbendkerdişî de tu agahî nêame girewtiş.

	 

	3 rojnamegerî amebî destbendkerdiş

	 

	Sewbîna saetê serê sibayî de bi cipersayîşê Serdozgerîya Komare ya Amedî dabî destpêkerdiş polîsan eşt serê keyeyê muxabîranê Ajansê Mezopotamyayî (MA) Delal Akyuz, Firat Can Arslanî. Eynî wextî de eştî serê keyeyê Rojnameger Sibel Yuklere û înan destbend kerdî.