
‘Ma pîya xurt benê’ 

2023-07-24 10:00:33


	&nbsp;

	Rozerîn Gultekîn

	&nbsp;

	STENBOL - Kovara Cinîye ke aşma adare de seba eşnawitişê vengê cinîye kewte rayîr, hetê her kesî ra eleqeyêk gird vînena. Edîtora Kovare Esma Kaya Ceylane da zanayîş ke hewl danê bi reng û vengê cinîye xerîtayêke cuye de pêşkêşê cinîyan bikerê û wina vat: “Dewamkerdişê na kovare dewamkerdişê têgêrayîşê cinîye yo. Cinîyê ke cewab gêrenê do kişta ma de bibê û ma do hîna zêde xurt bibê.”&nbsp;

	&nbsp;

	Kedkarê çapemenîya azade ke pêroyê dinya de her tim bi zext, qetilkerdiş, tepiştiş û şîdetî reyde rî bi rî ameyî, meşaleya Gurbetellî Ersoz û Apê Musayî girewtî, bi têkoşînêk gird wedarnenê. Cinîyê ke adetê çapemenîya azade rayra benê xeylê raşteyan de xebatan rayra benê û bi fikrê cinîyan ê mîrasê Gurbetellîye rayra şinê. Înan ra xebatan ra yew zî Kovara Cinîye ya hewtane ke sey dijîtal rojnameyê Yenî Yaşamî de yeno weşanayîş a.&nbsp;

	&nbsp;

	Vengê cinîye: Cinî&nbsp;

	&nbsp;

	Kovara Cinîye ya ke sey girêdayeyêk rojnameyê Yenî Yaşamî ya, aşma adare de sey hewtane vejîya vernîya wendekaranê xo. Verê cû 15 rojan de yew reye ameyêne weşanayîş. Hûmara 53ine hewteyo verên de vejîyaye. 5 aşmî yo bi sernameyê cîyayan vejîyena û fikrê cinîyan dana mojnayîş. Kovare demêk kilm de eleqeyêk gird dî. Hedefê kovare no yo ke vera weşanê serbestan de vengê cinîye berz bikera.&nbsp;

	&nbsp;

	Edîtora kovare Esma Kaya Ceylane derheqê kovare de JINNEWSî rê qisey kerd. &nbsp;

	&nbsp;

	‘Eleqeyêk weş yeno mojnayîş’&nbsp;

	&nbsp;

	Esmaye dîyar kerd ke Girêdayeyê Cinîye yê Yenî Yaşamî bi polîtîkaya xo ya newe sey Kovara Cinîye rayîrê xo de dewam kena û 5 aşmî yo ke yena weşanayîş. Esmaye wina dewam kerd: “Ma ewil xo bi cinîyan da naskerdiş. Nê prosesî de ma nizdîbîyayîşê zaf pozîtîfan girewt. Bi taybetî prosesê weçînayîşî de ma serê girseyêk gird de tesîr viraşt. Ma ewil rojeva cinîye û xeylê babetanê bînan girewte dest û ercna. Çimkî waştiş wina bî. No zî mojnayêne ke ma rayîro raşt de yê. Ma projeyêk dekerde ra derbaz benê. Prosesê weçînayîşî estbî. Ma 5 aşmê dekerdeyî derbaz kerd.”&nbsp;

	&nbsp;

	Xerîtaye pêşnîyaz kena &nbsp;

	&nbsp;

	Esmaye ard ziwan ke Kovara Cinîye heme cinîyan hewênena û wina dewam kered: “Têgêrayîşê kurdî heta têgêrayîşê femînîstî, heme cinîyan hewênena. Îran ra heta Fîlîpînî, Sudan ra heta cayê bînan ma têgêrayîşê cinîyan vînenê, xoverdayîşê cinîyan û binpaykerdişê heqan yê serê cinîyan ma vînenê. Hûmara 18ine de ma babeta konfederalîzmê demokratîke girewt dest. Bi manşetê cinî cuye azadî vejîya. Ma serê konfederalîzmê demokratîke de ercna.”&nbsp;

	&nbsp;

	Hedefê ma, ma bibê vengê cinîyan &nbsp;

	&nbsp;

	Esmaye qiseykerdişê xo yê peyênan de bale ant amacê xo ser û vat: “Hedefê ma no yo ke ma bi reng û vengê cinîyan cinîyan rê bibê xerîta. Cinî eşkena problemê cinîyan çareser bikera. Seba ke ma xo rê raşteyêk awan bikerê û persê xo rê bibê cewab, ma vejîyayî. Îlhamê ma zî rojnamegerîya cinîye yo. Ganî heme cinîyî Kovara Cinîye biwanê û wayîr bivejîyê.”&nbsp;

	&nbsp;

	&nbsp;

	

	&nbsp;