
Seba ke sereyê xo nêpişt heqê pawitişî asteng kerdî 

2023-07-19 15:33:08


	&nbsp;

	&nbsp;

	MERKEZÊ XEBERAN - Çalakîkera heqê cinîyan Sepîde Qalian seba ke sereyê xo nêpişt, roniştiş û heqê aye yê pawitişî ame astengkerdiş.

	&nbsp;

	Çalakîkera heqê cinîyan Sepide Qalian ke zîndanê Evînî yê Îranî de tepişte ya, seba ke sereyê xo nêpişte bî, roniştişê dewaya derheqê aye de ameya akerdiş, ame astengkerdiş.

	&nbsp;

	Dadgehe vat: “Pêwa xeylêk pêşnîyazîyan, versûc Sepide Qalian qebûl nêkerd ke hîcab û adetê Îslamî bi ca bîyara. Semedê nê seba pawitişê xo dadgehe rê &nbsp;nêameye şirawitiş.”

	&nbsp;

	Sepide Qalian Gulana derbazbîyaye de bi tohmetê “Vilakerdişê zanyarîyê nêrast serê medyaya dîjîtale û propagandaya hemverê Komara Îslamî ya Îranî medyaya dîjîtale de” bi 2 serrî zîndanî rê ameye mehkûmkerdiş.

	&nbsp;