
Xeyalê Şîlan Arase pê ame: JINHA bi dibistana rojnamegeranê cinîyan

2023-07-18 14:20:30


	&nbsp;

	&nbsp;

	MERKEZÊ XEBERAN - Rojnamegerê cinî yê kurdî xeyalê Şîlan Arase bi akerdişê ajans, radyo, televîzyon, kovar û rojnameyanê cinîyan pê ardî û hîkayeyê cinîyê kurdistanî yê nimced mendî, temam kenê.

	&nbsp;

	Cinîyê kurdî televîzyon, radyo, kovar û rojnameyan de bî kedkarê tewr pîlî. Xeylêk tecrûbeyê cinîyan wareyê çapemenî û neqlkerdiş de virazîyayî. Rojnameger û kedkarê cinî her çend ke keda înan nêameye vînayîş zî fek xebatê pêhesnayîşî rastî vera nêdayî. Bi seyan rojnamegerê cinî serê mîrasê Gurbetellî Ersoz rojnamegerî kerdî û tecrûbeyê aye ra feyde girewtî. Yew nê tecrûbeyan ra feyde girewt, rojnamegere Ayfer Serçe ya bi nameyê bînî Şîlan Aras bî. Xeyalê Şîlane ya tewr pîl zî awankerdişê ajansêk xeberan ê cinîyan bi.

	&nbsp;

	Dibistana rojnamegerîya cinî

	&nbsp;

	Rojnamegerê cinî xeyalê Şîlane, bi sloganê, "Verê ke ma vajê camêrdî çi fikrîyenê ma nusenê" 8ê Adara serra 2012ine de pê ardî û Amed de Ajansê Cinî JINHA awan kerdî. Ajansê cinî tenê ajansêk xeberan bî û eynî wextî de bî parçeyêk têkoşînê cinîye yo. Kamera ra heta hesabgirewteyî, edîtorî ra heta teknîk, dîyayîşkî û nuşteyî her raşte de rol girewtê. JINHA bî dibistana rojnamegerîya cinî.&nbsp;

	&nbsp;

	Dimayê ke JINHA 29ê teşrîna verêne de serra 2016ine de bi Qerarnameyê Hukmê Qanûnî de ame padayîş, taqîbkerdoxê Gûrbetellî û Şîlane nêvindertî û 5ê kanûna serra 2016ine de Şûjin bi sloganê, “Ziwanê medya de, bi nîyetê şûjin e” dest bi weşanî kerd. 25ê têbaxe serra 2017ine de bi KHKyî ame padayîş, labelê bi eynî mîrasî û eynî zanebîyayîş 25ê Êlule serra 2017ine de bi sloganê, “Cinî bi qelema xo heqîqetî de yê" JINNEWS ame awankerdiş û cayo ke nimced mendibi de reyna dewam kerd. Dima ra bi sloganê, "Vengê cinî, rîyê cuye" Jin TV û ajansê xeberan ê Rojhelatê Mîyanên NuJINHA ame awankerdiş.

	&nbsp;

	Mîyanê xebatê cinîyan de ca gêna

	&nbsp;

	Şîlana ke bê mabên pey xeyalanê xo de kewte, 1974ine de Wêranşarê Rihayî de ameye dinya. Serrê xo yê lîseyî de radyoyê Karacadagî de şuxulêna. Dima ra seba dersxane şina Edene û Mersîn. Tîya de unîversîte qezenç kena û prosesê dersxaneyî de dibistanêke berz ya di serran qezenc kena û seba qeydî şina cayê xo, la vînena ke o ca goreyê aye nîyo û fek vera dana û agêrena. Dima ra zî Beşê Îşletmeyî yê Unîversîteya Çukurovayî tercîh kena û di serran wanena. Serra 1998ine de têkoşînê cinîyê kurdî nas kena û bi hawayêkê çalak mîyanê xebatan de ca gêna.&nbsp;

	&nbsp;

	Dest bi xebatê pêhesnayîşî kerd

	&nbsp;

	Demê xebatanê cinîyan de ca gêna, serra 2000î de zî dest bi xebatê pêhesnayîşî kena. Serra 2000î de Ajansê Xeberan ê Mezopotamyayî (MHA) de dest bi xebatan kena. Dimayê ke ajansê MHAyî serra 2005ine de yeno tepiştiş, Ajansê Xeberan ê Firatî (ANF) de dest bi xebate kena. O wext Şîlane muxabîrîya Armenîstanî kerd. 3 serran tîya de xebitîya û dima ra zî derbazê Herêma Federal a Kurdistanî bî.&nbsp;

	&nbsp;

	Waşt întîxarê cinîyan cigêrayîş bikero

	&nbsp;

	Şîlane cigêrayîşê întîxarî yê &nbsp;rojhelatê Kurdistanî de verê xo dana bajarê Urmîye û Mehabadî. Şîlane tîya zî 3 hewteyan xebate kena. Mabêne 19 û 23ê temmuza 2006ine de herêma Kelareşî ya sînorê Tirkîya û Îranî de hetê artêşa Îranî ra yena qetilkerdiş. Tarîxê qetilkerdişê aye de qeydê Rêxistina Rojnamegerê Sînornenas de sey 23ê temmuza 2006ine derbaz beno. Hîn çimeyê zî sey 19ê temmuze derbaz kenê. Pêwa pêro vengdayîş û hewldayîşê cenazeya Şîlane hema nêameya vînayîş.

	&nbsp;

	Qelema aye erd de nêverdayî

	&nbsp;

	Rojnamegerê cinî bi kovare, rojname, malper, ajans, televîzyon û radyoyê cinîyan, hîkayeyê nîmcedî yê rojhelat, başûr, vakur û rojawanê Kurdistanî anê ziwan û qelema Şîlan Aras yanî Ayfer Serçe erd de nêverdayî.

	&nbsp;