
‘Ganî CPT vera tecrîdî de bêdeng nêmano’ 

2023-07-17 10:44:21


	&nbsp;

	&nbsp;

	Dîlan Babat

	&nbsp;

	ANQARA - Parlamentera Partîya Çep a Keske Sumeyye Boze tecrîdê serê Rayberê PKKyî Abdullah Ocalanî ercnaye û dîyar kerd ke israrê îqtîdarî yê nêçareserîye vera tecrîd giran beno û vat ke seba şikitişê bêvengîya CPTyî zî ganî zext bêro kerdiş.&nbsp;

	&nbsp;

	Tecrîdo giran ê serê Rayberê PKKyî Abdullah Ocalanî dewam keno û 28 aşmî yo ke tu xeberêk Abdullah Ocalanî ra nîna girewtiş. Heme muracatê keye û avûkatan bi bahaneyê cîyayan yenê redkerdiş yan zî qet cewab nêdîyeno. Avûkatan astengkerdişê muracatê keyeyî 12ê Gulana 2022yî de berdî Mehkemaya Desturê Bingeyîn (MDB). La MDB cewab nêda muracatî û dosya hema MDByî de yo. Her cayê dinya de vera tecrîdê serê Abdullah Ocalanî reaksîyonî zêde benê. &nbsp;&nbsp;

	&nbsp;

	Bêvengîya CPTyî &nbsp;

	&nbsp;

	Bêvengîya Komîteya Vernîgirewtişê Îşkenceyî yê Konseyê Ewropa (CPT) yê vera tecrîdê serê Rayberê PKKyî Abdullah Ocalanî dewam kena. CPT 20-29ê êlula 2022yî de ame Tirkîya û 3yê Teşrîna Verêne de vat ke ê şîyî zîyaretê dezgehan û şîyî zîyaretê Îmraliyî zî. Vera bi desan hewldayîşan CPTyî derheqê zîyaretî de eşkerayî nêda. CPTyî 30ê Adare de raporê 2022yî eşkera kerd û derheqê Ocalanî de tu malumat nêda.&nbsp;

	

	&nbsp;

	Parlamentera Partîya Çep a Keske ya Muşî Sumeyye Boze derheqê tecrîdî de qisey kerd. &nbsp;

	&nbsp;

	Sumeyye da zanayîş ke tecrîdê serê Abdullah Ocalanî suc û îşkence yo û vat: “Heqê tepişteyan ê pêvînayîşê bi avûkat û keyeyan reyde esto. Tîya de înkarêk esto. Îqtîdaro ke demêk bi Îmraliyî reyde pêvînayîş kerd nika nêçareserîye de israr keno. Verê cû pêvînayîş kerdêne, mutabakatê Dolmbahçe kerd. La nika nêçareserîye de israr keno."&nbsp;

	&nbsp;

	‘Komel û çapemenî binê tecrîdî de yê’ &nbsp;

	&nbsp;

	Sumeyye wina qiseykerdişê xo dewam kerd: “Rojanê verênan de hemsereka pêroyî ya HDPyî Pervîn Buldane vat ke ‘ma babeta tecrîdî de qels mendî’. No vatiş zî netîceyê tecrîdî yo. Eke ewro bi asanî qala tecrîdî nêro kerdiş, no zextê serê komelî vera yo. Tecrîd tesîrê xo serê heme komelî de kerdo. Her hetî de hêriş esto. Tewr peynî Merdan Yanardagî ke qala tecrîdî kerd ame tepiştiş.”&nbsp;

	&nbsp;

	‘Ganî CPT berpirsyarîya xo bîyaro ca’&nbsp;

	&nbsp;

	Sumeyye dewamê qalîkerdişê xo de vat: “CPTyî raporê 2019î de vat ke Îmraliyî de rewşêke resnayîşî esta. CPT hema zî bêveng o. Şarê kurdî û şarê Rojhelatê Mîyanenî Îmraliyî mereq kenê. Ganî CPT derheqê babete de xebatan bikero. Seba CPT û dezgehê Ewropa bikewê têgêrayîş mîyan ganî veng bêro kerdiş. No tecrîd tena serê kesêk de nê serê heme komelî de yeno kerdiş. Ganî CPT rê zext bêro kerdiş ke bikewo têgêrayîş mîyan.” &nbsp;

	&nbsp;

	‘Do derheqê tecrîdî de munaqeşeyê ma bibê’ &nbsp;

	&nbsp;

	Sumeyye wina peynî ard: “Goreyê vindertiş û reaksîyonan rewşa tecrîdî zî vuryeno. Reaksîyonê komelî pawenê. Na gore rewşa tecrîdî dîyar bena. &nbsp;Ganî hêzê aştî û demokrasî tecrîd bîyarê ser masa û munaqeşe bikerê. Ganî rolê Abdullah Ocalanî newe ra bikewo dewre. Ganî pêvînayîş bi Ocalan reyde bêro destpêkerdiş û prosesê aştîye dest pêbikero.”&nbsp;

	&nbsp;