Gîsela Penteker: Fikro ke awan kerdo bîyo tersê îqtîdarî 2023-07-13 11:27:30   Melek Avci   ANQARA - Dîrektora IPPNWyî Gîsela Pentekere derheqê tercîdo girankerde ke serê Rayberê PKKyî Abdullah Ocalanî de yeno rayraberdiş de qisey kerd û dîyar kerd ke ganî komelê mîyanneteweyî newe ra seba prosesê aştîye rolê xo kay bikero û vat: “Îmraliyî de binpaykerdişê heqan raşte de yo. Paradîgmaya Birêz Ocalanî seba xeylê kesan sey tehdîd yeno dîyîş. Ganî ma rexnedayîşê xo bidê, çike ma heta nika fikrê ci baş bi komelî reyde pare nêkerdo.”    Rayberê PKKyî Abdullah Ocalano ke zîndanê Îmraliyî de binê şertê tecrîdo girankerde de yeno tepiştiş û sewbîna tepişteyê bînî yê ke Îmrali de yî Omer Hayrî Konar, Hamîlî Yildirim û Veysî Aktaşî ra zî 27 aşmî yo xeber nîna girewtiş. Avûkat û keyeyan bi desan reyan seba pêvînayîşî muracat kerdî, heto bîn de zî dezgehê mîyanneteweyî zî veng dayî û muracat kerdî. La wezîrîya edaletî tu cewabêk nêdano muracatan.     Dîrektora Dadgerê Mîyanneteweyî ya Seba Vernîgirewtişê Şerê Nuklerî (International Physicians for the Prevention of Nuclear War-IPPNW) Gisela Pentekere derheqê tecrîdo giran ê Îmraliyî de ercnayîş kerd.    ‘Tecrîd zalimane û îşkence yo’     Gîselaye da zanayîş ke 28 aşmî yo xebere Rayberê PKKyî Abdullah Ocalanî ra nîna girewtiş û wina vat: “Tirkîya bi nê tecrîdî hewl dana ke şarî binpay bikera. No tecrîd zalimane û îşkence yo. No nizdîbîyayîşê selahîyetdaranê tirke yê hemverê şar, keye û avûkatan mojneno. Verê cû zî tecrîd estbî. La no  aşmî yo ke tu xebere nîna girewtiş. No vera huqûqî yo.”    ‘No tersê hemverê fikrê ci yê serê komelî tesîr kerdo’    Gîselaye dewamê qiseykerdişê xo de ard ziwan ke vera hezaran muracatan pêvînayîş yeno astengkerdiş û her raşteyî de bêvengî esta û wina vat: “Dewlete terso ke fikrê Birêz Ocalanî tesîr serê şaran de keno, vera pêvînayîşan asteng kena. Tirkîya û raşteyê mîyanneteweyî Birêz Ocalanî seba xeylê kesî sey ‘sûcdar’ û ‘têkilîya ci bi terorî reyde esta’ yeno dîyîş. Tirkîya cezaya heta hetayî birna. Seba ke ci sey tehdîti vînena. Kesê ke bi raştî kitabê ci wendî, fikrê ci fehm kerdî zaf kêmî yê. Seba îqtîdarî zî no fikr û sîstem sey tehdîdî yeno dîyîş.”     Serdestîya neteweyî heqê merdiman ra aver de yo!     Gîselaye bale ant serê hewldayîşê CPTyî ke aşma êlule de şî Îmraliyî û rapor eşkera nêkerd û vat: “No goreyê organê Neteweyê Yewbîyaye pê yeno. Seba nê dezgehan serdestîya neteweyî şertê yewine yo. Coka ra zî bê desturê dewleta tirke derheqê raporî de malumat nêdanê. Binpaykerdişê heqan yê Îmraliyî raşte de yî. Tecrîd raşteyê mîyanneteweyîye de sey îşkence yeno binamekerdiş. Xeylê kesî na babete de hemfikir ê. Serdestîya neteweyî heqê merdiman ra aver de yo.”    ‘Paradîgmaya ci seba bekaya her kesî muhîm a’    Gîselaye dewamê qiseykerdişê xo de ard ziwan ke paradîgmaya Abdullah Ocalanî seba heme dinya tehdîd yeno dîyîş û wina domna: “Raşterawedaritişê sazbîyayîşê otorîter seba her kesî muhîm o. Her ke şino hîna zêde lazimî bi demokrasî yeno dîyîş. No tena seba Rojhelatê Mîyanenî nê seba her cayî muhîm o. Cor de zî mi vat paradîgmaya Birêz Ocalanî seba xeylê kesan sey tehdîd yeno dîyîş. Eke ma bi hawayêkê xorexnekerdişî nizdî bibê, raştî no yo ke ma fikrê ci heta nika baş bi komelî nêda parekerdiş. Paradîgmaya Vakur û Rojhelatê Sûrîye senî pê ameya yena dîyîş. La atmosferê sîyasî vera naskerdiş û cigêrayîşêk derheqê ci de çin o. Vîşêrê komelê Kurd na herême de derheqê bedilnayîşê komelî de malumat û zanayîşêk marjînal ê teberî ra esto. 25 serrî yo ke bena şahidê bedilnayîşê Vakurî. Vera her çîyî fek xoverdayîşê xo ra nêverdenê. Seba înan merdiman yewine keso serkêş Birêz Ocalan o. coka ra zî seba çareserîya prosesî tewrbîyayîşê Abdullah Ocalanî xeylê muhîm o.”     Mesajê ke Îmraliyî ra yenê hêvî danê    Gîselaye qiseykerdişê xo yê peyênan de bale ant tesîrê Rayberê PKKyî Abdullah Ocalanî ke serê prosesê aştîye û şarê kurdî de keno ser û wina qedênaye: “Birêz Ocalan serê şarê kurdî de xeylê bi tesîr o. Prosesê aştîye yê serra 2013-2014î ra heta Peymana Dolmabahçeye no û Rayberê PKKyî hetê pêvînayîşê sîyasî bî. Pêvînayîş serkewte bî û bi hêvî bî. La serekkomarê AKPyî proses da vindarnayîş. Mesajê ke Îmraliyî ra hetê Abdullah Ocalanî ra yenê hêvî danê. Şer û pêrodayîş, bi zext û şîdetî nînê çareserkerdiş. Heme hetî ganî serê maseye de ronişê. Ganî no proses binê kontrolê NYyî de bo. Ganî komelê mîyanneteweyî venga Tirkîya bikero ke agêrayîşê prosesê aştîye bikero.”