
Dayîka Aştîye Xemê Akdogan dinyaya xo bedelnaye 

2023-07-07 15:31:49


	&nbsp;

	&nbsp;

	WAN - Endama Meclîsê Dayîkê Aştîye yê Wanî Xemê Akdogan, ewro serê sibayî nêweşxaneyê ke demêk ci de ameyîne dermankerdiş, seba krîzê qelbî dinyaya xo bedelnaye.

	&nbsp;

	Endama Meclîsê Dayîkanê Aştîye ya Wanî Xemê Akdogan (85) saetê sibayî de dinyaya xo bedelnaye. Xemê 15 rojan Merkezê Tipî yê Dursun Odabaşi yê Unîversîteya Yuzuncu Yil (YYU) ameyîne dermankerdiş. Serê sibayî saete 04.00ine de seba krîzê qelbî dinyaya xo bedelnaye. Dimayê kar û barê otopsî Dayîka Aştîye Xemê Goristanê Taxa Karşiyakayî de ameye definkerdiş. Şînê Xemê Camiya Merînos ê kuçeyê Surmelî ya taxa Xaçortaya Wanî de ame ronayîş.

	&nbsp;

	Xemê dewa Pirosî ya qezaya Elkê ya Şirnexî de yena dinya, serra 1985ine de seba tedayê dewlete mecbûr manenê ke koçberê dewa Dotka ya qezaya Geverî ya Colemêrgî bibê. Tîya zî tedayê dewlete destpê kenê û Xemê bi keyeyê xo reyde serra 1977ine de taxa Xaçortî ya Rayîrê Armûşî ya Wanî de bi ca bena.&nbsp;

	&nbsp;

	Xemê, nêzdîyê 20 serran mîyanê xebatê Dayikê Aştîye de ca gêna. Tut û tornê Xemê mîyanê Têkoşînê Azadiya Kurdî de ca gênê. Bi desan rey ameya destbendkerdiş û îşkence ci rê ame kerdiş. Pîrozbayîyê 8ê Adare û Newroze de her tim vernî de bî. Têkoşînê Xemê neslê newe rê sey mîrasêk mend.

	&nbsp;