
Têkoşînê vera tecrîdî de qerardar ê  

2023-07-07 10:09:22


	&nbsp;

	Elfazî Toral

	&nbsp;

	STENBOL - Pawitoxê heqê merdiman û merdimê tepişteyan dîyar kerdî ke tecrîdê serê Rayberê PKKyî Abdullah Ocalanî vilayê heme komel û zîndanan bîyo û vatî ke bi şikitişê tecrîdî do komel boyêk bigîro û sewbîna bale ancîya tecrîdî ser.&nbsp;

	&nbsp;

	Binpaykerdişê heqan ê zîndanan her ke şino giran beno û polîtîkaya tewr esasî ya zîndanan tecrîd o. Polîtîkaya tecrîdî ya serê Rayberê PKKyî Abdullah Ocalanî heme zîndanan de tesîrin bîyo. 28 aşme yo ke tu xeberêke Abdullah Ocalanî ra nîna girewtiş.&nbsp;

	&nbsp;

	Vera tecrîdê giran de her çar hetê dinya de çalakî virazîyenê û seba pêvînayîşê bi Rayberê PKKyî Abdullah Ocalanî reyde muracatî yenê kerdiş. Şar, keye û avûkatê Rayberê PKKyî &nbsp;têkoşînê vera tecrîdî de bi israr ê.&nbsp;

	&nbsp;

	Pawitoxê heqê merdiman JINNEWSî rê qisey kerdî û dîyar kerdî ke mifteya çareserîye Îmrali yo.&nbsp;

	&nbsp;

	‘Propagandaya Abdullah Ocalanî bîyayîşê şarê kurdî yo’&nbsp;

	&nbsp;

	Hemsereka Komeleya Hetkarî û Paştîdayîşê bi Keyeyê Tepişteyan Reyde ya Marmarayî (MATUHAY-DER) Dîlek Sonmez Demîre da zanayîş ke tecrîd heme Tirkîya û dinya eleqeder keno û wina vat: “Tecrîdê serê Rayberê PKKyî Abdullah Ocalanî heme zîndanan girewto binê tesîrê xo. Yewine amacê tecrîdî paradîgmaya Abdullah Ocalanî bêro îzolekerdiş. Fikrê aştîye ya Birêz Abdullah Ocalanî paradîgmaya demokrasî û bîyayîşê şarê kurdî yo. Seba ke bêro îzolekerdiş zî nê tecrîdî pê anê.”&nbsp;

	&nbsp;

	Vera şerê taybetî de têkoşînî de israr esto&nbsp;

	&nbsp;

	Dîleke da zanayîş ke rewşa tecrîdî eke peynî biba do komel biresa asanî û wina dewam kerd: “Ma zanê, eke tecrîdê serê Ocalanî bêro şikitiş do tecrîdê serê heme zîndanan bêro rijnayîş. Dewlete bê caardişan bi zanayîş kena. No şerêk taybet o. No şerêk psîkolojîk o. Ma nê şerî baş zanê. Ma têkoşînê ci danê û ma do bidê zî. Ma bawer kenê ke Abdullah Ocalan do aştî bîyaro Tirkîya, Rojhelatê Mîyanên û şarê kurdî. Ez venga heme şaran kena ke seba peynîardişê tecrîdî têkoşîn bikerê. Abdullah Ocalan 24 serrî yo yeno tecrîdkerdiş. Amacê înan no yo ke paradîgmaya Abdullah Ocalanî esas nêro girewtiş. Vera nê de ganî ma heme têkoşîn bikerê.”&nbsp;

	&nbsp;

	‘Ma seba Birêz Ocalanî têkoşîn danê’&nbsp;

	&nbsp;

	Dîleke sewbîna vat: “Tirkîya aştî û azadîye qebul nêkena. Sîstemêk ke cuya azad qebul nêkena esto. Tecrîdê serê zîndanan teberî ser de zî tesîr viraşto. La seba ameyoxa azade ma do têkoşîn bikerê. Casaretê ma do bibo wesîleya şikitişê tecrîdî. Ganî ma seba Abdullah Ocalanî têkoşînê xo dewam bikerê.”&nbsp;

	&nbsp;

	‘Yewine çareserî pêvînayîşê bi Ocalanî reyde yo’&nbsp;

	&nbsp;

	Endama Komeleya Paştîdayîşê Hetkarîya Keyeyê ke Merdimanê xo Vînî kerd ya Anadoluye (ANYAKAY-DER) Turkan Acare zî tecrîdê serê Rayberê PKKyî Abdullah Ocalanî şermizar kerd û wina vat: “Dewleta tirke bêhuqî kena. Ganî nê caardişî bi lez bêrê peynîkerdiş. Ganî no tecrîd wedarîyo. Îqtîdar heme çimeyan şerî rê birnayo. Şar ver bi feqîrîye ra şino. Sebebê krîzê ekonomîye şer o. Polîtîkayê şerî pêroyê şarî ver bi feqîrîye ra beno. Her kes nê çîyî zano. Dinya zana. Yewine çareserîya probleman pêvînayîşê bi Birêz Ocalanî reyde ya. Ganî bi lez pêvînayîş bêro destpêkerdiş.”&nbsp;

	&nbsp;

	‘Wa berê Îmraliyî bêrê akerdiş’&nbsp;

	&nbsp;

	Kumrî Akgula ke yew serrî Nobeta Edaletî tepişte û waya tepişteyo nêweş ê girane Erdal Ozelî ke zîndanê Tîpa Fyî yê Hûmara 2ine yê Tekîrdagî de tepişte yo, ya. Kumrîye da zanayîş ke tepişteyê nêweşî nêeşkenê xo biresnê tu heqêk xo û vat: “Wa tutê ma bi lez serbest bêrê veradayîş. Ma nêwazenê ke zîndanan ra cenazeyê tutanê ma bivejê. Wa berê Îmraliyî û heme zîndanan abibê. No tecrîd wa bêro şikitiş. Tirkîya de edalet çin o. Ma do bibî hêvîya tepişteyan. Ma fek têkoşînê xo ra vera nêdanê. &nbsp;ma do heta peynî xover bidê.”&nbsp;

	&nbsp;

	&nbsp;

	

	&nbsp;

	&nbsp;

	&nbsp;