HDP û Partîya Çep a Keske mesajê Roşanê Qurbanî weşana 

2023-06-27 14:47:26


	 

	 

	 

	ANQARA - Partîya Çep a Keske û HDPyî bi wesîleya Roşanê Qurbanan eşkerayîyêka hempare daye û vatî: "Ma hêvî kenê ke Roşanê Qurbanî têduştî, azadî û aştîye bîyaro."

	 

	Hemserekanê Pêroyîyan ê HDPyî Pervîn Buldan û Mîthat Sancarî û Hemvervatoxanê Partîya Çep a Keske Çîgdem Kiliçgun Uçar û Îbrahîm Akinî bi kurdkî û tirkî mesajo hempar weşana. Înan waşt ke wa roşan bibo wesîleya têdûştî û azadîye.

	 

	Mesajo ke ame parekerdiş wina yo:

	 

	”Şarê ma binê şert û mercanê giranan, hêrişan, gefanê çinbîyayîşî de Roşanê Qurbanan pêşwazî keno. Ma hêvî kenê ke Roşanê Qurbanan seba şarê ma, şaranê Rojhelatê Mîyanênî bibo sebebê azadî, haştî û têdûştîye. Bi na wesîle ma eşkenê newe ra bingeyê xo yê komelkî xurt bikerê, meseleyanê xo çareser bikerê û vera hêriş û gefan xo rêxistin bikerê. Armancê cuya têdûşte û azade seba ma sebebê têkoşînî yo û heta ke ma biresê nê armancî ma do têkoşînê xo rê dewam bikerê. Bi na wesîle ma Roşanê Qurbanan şarê ma, pêro şaranê Rojhelatê Mîyanênî û pêro merdimatîye rê fîraz bibo.”