
Tarim Orkam-Sen şî serdayîşê Emîne Şenyaşar  

2023-06-23 15:22:58


	&nbsp;

	&nbsp;

	RIHA - Tarim Orkam-Senî roja 823ine Nobeta Edaletî de şî serdayîşê Emîne Şenyaşar. Uca de wina ame vatiş: “Heta ke netîceyêk cigêrayîşê edaletî yê dayîka Emîne nêvejîyo, no welat de kesêk nêeşkeno qalê edaletî û huqûqî bikero.”&nbsp;

	&nbsp;

	14ê hezîrana serra 2018ine de merdim û pawitoxê Parlamenterê AKPyî yê Rihayî yê verê Îbrahîm Halîl Yildiz qezaya Pirsûsê Rihayî de hêrişê Keyeyê Şenyaşarî kerd. Hêriş de mêrde û di lajê Emîne Şenyaşar ameyî qetilkerdiş. Emîne Şenyaşar û lajê aye Parlamenterê Partîya Çep a Keske yê Rihayî Ferît Şenyaşar ke qirkerdiş ra bi birîndarî xelas bibi, 9ê adara 2021ine de vernîya Edliyeyê Rihayî de dest bi Nobeta Edaletî kerdibî. Çalakîya keyeyî roja 823ine de dewam kena. Dayîka Emîne Şenyaşar saetê serê sibayî de keyeyê xo yê Pirsûsî ra ameye merkezê &nbsp;Rihayî û vernîya Edlîyeyê Rihayî de dest bi Nobeta Edaletî kerd.&nbsp;

	&nbsp;

	Emîne Şenyaşare barîyerê raşteyê seke “Quncikê edaletî yê Keyeyê Şenyaşarî” yeno namekerdiş, pankartê “Bi 5 serrî yo ma edalet wazenê” de vinderte. Serekê Pêroyî yê Sendîkayê Kedkaranê Îstîmlakî yê Ramitiş û Baskê Daristanwanî (Tarim Orkan-Sen) Ahmet Keleş û endamê şubeyê sendîkayê Rihayî ameyî serdayîşê Şenyaşarî. Ahmetî serdayîşî de qisey kerd û wina vat: “Ma xeylêk rayan vat ke heta netîceyêk cigêrayîşê edaletî yê dayîka Emîne nêvejîyo, no welat de kesêk nêeşkeno qalê edalet û huqûqî bikero. Ma na çalakîye, nê vindertişî û nê têkoşînê edaletî silam kenê. Do paştdayîşê ma yê bi keyeyî reyde heta peynî dewam bikero.”&nbsp;

	&nbsp;

	Endamê sendîkayî dimayê eşkerayîye bi Emîne Şenyaşar reyde nobete girewtî.

	&nbsp;