
Temsîlkara Alinterî: Ganî ma fek têkoşînê raşteyan ra vera nêdê 

2023-06-11 10:23:42


	&nbsp;

	&nbsp;

	Rozerîn Gultekîn&nbsp;

	&nbsp;

	STENBOL - Temsîlkara Alinterî ya ke pêameyê BMGyî ya Muruvet Kuçuke da zanayîş ke vera tîfaqê AKP-MHP û HUDA PARî de dînamîkê tewr demokratîk, xurt û averkewte Partîya Çep a Keske ya û wina vat: “Ganî ma bi rihê seferberîye prosesî bigîrê dest. Vera hêrişê faşîst yê raşteyan de ganî ma vindertişêk zelal bimojnê.”

	&nbsp;

	Dimayê weşînayîşê serekkomarî û parlementerî serkkomarê AKPyî reyna ame weçînayîş. AKP-MHPyî ke heme şarî çinî hesibneno, seba rayraberdişê polîtîkayê xo yê şer û talanî reyna bî îqtîdar. Vera înan de MHP û HUDA PARî ke dişmenê kurdan, şaran û cinîyan kenê reyde tîfaq kerd û amacê înan no yo ke kesê xo ra nîyê çinî bikerê. La vera înan de tîfaqê Partîya Çep a Keske kişte cinî û şaran de ca gêna û bena hêvîyêke gird.

	Temsîlkara Alinterî ya pêameyê Hêzê Têkoşînê Yewbîyaye (BMG) Muruvet Kuçuke derheqê prosesê weçînayîşî û weçînayîşê Tayyîp Erdoganî de ercnayîşan kerd.&nbsp;

	&nbsp;

	‘Partîya Çep a Keske dînamîkê xoverdayîşî temsîl kena’&nbsp;

	&nbsp;

	

	Muruvete da zanayîş ke Tirkîya de qet weçînayîşêk demokratîke pê nêameyo û nê prosesî de hemverê têgêrayîşê azadîya kurdî de hêriş pê ameyî û bi operasyonan îmkanê dewlete heta peynî ameyî şuxulnayîş. Muruvete wina dewam kerd: “No globalbîyayîş sindoqan ser de tesîr viraşt. Îqtîdarîyê Erdoganî hetê sermaye mîyanneteweyî û burjuvazîya Tirkîya de mîladê xo nêdekerdo û kelepulêk yeno şuxulnayîş. No hetê hêzê emperyalîstan de sey îmkan yeno dîyîş. Kişta ci de sanayîya çekan, xebata TOGGî rayra berd. La înan ra Partîya Çep a Keske hêvî dana û dînamîkê xoverdayîşî temsîl kena.”

	&nbsp;

	Muruvete qiseykerdişê xo wina dewam kerd: “Heto bîn de zî têkoşînî tena bi sindoqan ercnayîş şaş o. problemê kurdî bi weçînayîşan nîno çareserkerdiş. Reyna tabanê Partîya Çep a Keske tena tabanê weçînayîşî nîyo. Potansîyelê têkoşînê demokratîk û dînamîkê ci mîyanê xo de hewêneno. Girseyêk raşteyî, raşteyê cuye û îradeyê xo ronayo raşte. Ganî no girse bi weçînayîşan nêro destgirewtiş.”

	&nbsp;

	Bi tîfaqê Huda Parî çi ame amackerdiş?

	&nbsp;

	Muruvete qiseykerdişê xo yê peyênan de nê çîyan ard ziwan: “Badê weçînayîşan meclîsê tewr tepîyayê tarîxî ame awankerdiş. Tabloyêk dişmenê cinîyan vejîya raşte. Pêameyê ke dewamîya rejîmê faşîstî kena meclîs de vejîya raşte. Kabîne zî goreyê nê konseptî ame awankerdiş. Bi Huda Parî reyde zî polîtîkaya hedefgirewtişî, kerd dewre. Ganî zîwanê raşteyî yê newe bêro averberdiş û rêxistibîyayîş bêro girdkerdiş. Vera hêrişanê faşîstî de ganî ma vindertişêk zelal bimojnê. Ganî şar fek têkoşînê raşteyan ra vera nêdo.”

	&nbsp;