Keyeyê serewedaritoxî Saqiz de ameyî remnayîş 

2023-06-10 15:58:00


	 

	 

	 

	MERKEZÊ XEBERAN - Keyeyê kesê ke serewedaritişê Rojhelatê Kurdistanî û Îranî de dinyaya xo bedelnabî, hemverê xirakerdişê goristanan çalakî organîze kerdî. Ame zanayîş ke keye demê Saqizî agêrayîne hetê hêzê Îranî ra ameyî tepiştiş û înan berdî cayêk nêdîyar.

	 

	9ê Hezîrane de hûmarêke zêde keyeyê kesê ke şorişê ‘Jin Jiyan Azadî’ yê Rojhelatê Kurdistanî û Îranî de dinyaya xo bedelnayê, seba şermezarkerdiş hetê hêzê Îranî ra xirakerdişê Goristanê Ayçî çalakîyêke organîze kerdî. Ame zanayîş ke keye agêrayîşî de hetê hêzê Îranî ra ameyo tepiştiş û înan berdê cayêke nêdîyar.

	 

	Nasnameyê beşêk kesê ke ameyê remênayîş wina yê:

	 

	Şerîfe Mirzayî ya dayîka Ramîn Hesênî tepişteyê sîyasî ke ame dardekerdiş, Kuhsar Minberî, Han û Baran Minberî û wayê û birayê Peyman Minber, Haşim Seidî pîyê Sarina Seidî, Mîda Nasrî, Abdurehman Nasrî û Limuyî Nasrî yê keyeyê Metin Nasrî, Hesen Emînî birayê Mihemed Emînî pêwa dayîk û endamê bînî yê keyeyê, Sedîq Behmeniyî pîyê Şaho Behmenî pêwa keyeyê xo, Heyat dayika Muimin Zendekerimî pêwa keyeyê xo, Kiya û Buna Muradî û Ehmed Rehîmî Bawkî û bi desan kesê bînî mîyanê kesê ameyê tepiştiş û heta nika çarenûsê înan dîyar nîyo.