
Keyeyê qurbanîyê Qirkerdişê Pirsûsî ameyî muhakemekerdiş 

2023-06-07 14:48:50


	&nbsp;

	&nbsp;

	RIHA - Keyeyê qurbanîyê Qirkerdişê Pirsûsî bî sebebo ke faîlî nêameyî tepiştiş reaksîyon mojnabî mehkema û bi îdîayê ‘Mehkema tehdît kerdî û heqaret kerdî’ derheqê înan de dewa ameybî akerdiş. Roniştişê dewaye ame dîyîş.&nbsp;

	&nbsp;

	Vera ciwanê ke bi serkêşîya Federasyona Komeleyê Ciwanan yê Sosyalîstan (SGDF) vernîya Merkezê Kulturî yê Amara yê Pirsûsê Rihaye de kom bîbî, hêrişê bombeyin virazîyabî. Netîceyê hêrişî de 33 ciwanî ameybî qetilkerdiş. 21ine roniştişê dewaya Qetlîyamê Pirsûsî ke 20ê Teşrîna Verêne ya 2021î de ame dîyîş de keyeyê qurbanîyan seba ke faîlê nêameybî dîyîş reaksîyon mojnabî mehkema. Reaksîyonê keyeyan vera derheqê 9 kesan de dewa ameye akerdiş. Roniştişê 3ine yê dewaya 9 kesan ame dîyîş.&nbsp;

	&nbsp;

	Roniştiş 5ine Mehkemaya Cezaya Sulhî ya Rihaye de ame dîyîş. Keyeyê qurbanîyê Pirsûsî yê ke dewaye ra yenê muhakemekerdiş û şahidê qetlîyamî tewrê roniştişê dewaye nêbîyî. Endamê Şûbeyê Komeleya Huqûqnasê Seba Azadîye (OHD) ya Rihaye avûkat Ayşe Şehrîban Demîrel, Dîcle Aksu û Serdar Tumî roniştiş de hadre bî. Îfadeyê kesê ke dewaye ra yenê muhakemekerdiş demê verênan de ameybî girewtiş û roniştiş bi qeydkerdişê îfadeyan ê dosyayî dest pêkerd.

	&nbsp;

	Avûkatan ra Ayşe Şehrîban Demîrele dîyar kerd ke dosyaya ke qala xebere ya bi sucdarkerdişê heqaretê vera heyetê mehkema ameya akerdiş û wina vat: “Ma wazenê qeydê SEGBÎSî yê roniştişo ke yeno îdîakerdiş heqaret tede ameyo kerdiş dosyaye de bêro zêdekerdiş û çareserî bêra averberdiş. Wexto ke dosya baş bêro cigêrayene û pawitişê heme kesê ke yenê muhakemekerdiş temam bî, ma do pawitişê xo bikerê. Ma wazenê şima wext bidê ma.”

	&nbsp;

	Dima ra zî dozgerê dosya waşt ke kêmîyê dosya de bêrê temamkerdiş. Dadgehe dimayê waştişan qerarê xo da. Dadgehe qerar da ke seba Hemsereka Pêroyî ya Partîya Sosyalîst ya Bindestan (ESP) ke Zîndanê Marmarayî de yena tepiştiş serê Sîstemê Veng û Dîmenî (SEGBÎS) tewrê roniştişî bibo muzekkere bêro nuştiş, 5ine Dadgeha Cezayê Girane ya Rihayî de qeydê pawitişî yê tewrê roniştişê 21ine bî seke CD dadgehe rê bierşawê û roniştişê bînî taloqê 7ê sibata 2024ine kerd. &nbsp;

	&nbsp;

	&nbsp;