Xoverdayîşê Mexmûrî 15 rojî peynîya xo de verda 

2023-06-04 15:17:49


	 

	 

	MERKEZÊ XEBERAN - Wargehê Multecîyan ê Şehîd Rustem Cûdî (Mexmûr), xoverdayîşê roniştoxê wargehî yê hemverê têlkerdiş û ablûqakerdişê 15 rojî pey xo de verda.

	 

	20ê Gulane de artêşa Iraqî bi hêzêk pîl hêrişê Wargehê Multecîyan ê Şehîd Rustem Cûdî (Mexmûr) kerd û waşt ke derûdorê wargehî bikolo û xendekan virazno û bi têl û bircan ablûqa bikero. Roniştoxê wargehî hemverê nê vejîyayî û dest bi xoverdayîşî kerdî. Xoverdayîşê roniştoxê wargehî yê hemverê nê ferzkerdişî roja 16ine de dewam keno. 

	 

	Roniştoxê wargehî bi şewe û roje nobede gênê û israrê leşkerê Iraqî yê seba ablûqakerdişî zî dewam keno.