Hêrişê mezelê Jîna Emînîye ame kerdiş 

2023-05-22 15:50:38


	 

	 

	MERKEZÊ XEBERAN - Mezelê Jîna Emînîya ke hetê hêzê rejîmê Îranî ra ameybî qetilkerdiş reyna ame hedefgirewtiş.

	 

	Cinîya kurde Jîna Emînî (22) 13ê êlula 2022yî de paytextê Îranî Tehran de hetê 'Polîsanê Exlaqî' ra bi bahaneyê ‘porê xo goreyê îslamî nêrirewte’ amebî qirkerdene. Qirkerdişê Jîna ra dima pêro Rojhelatê Kurdistanî û Îran de çalakîyê protestoyî dîyabî destpêkerdene. Nê çalakîyan de xeylêk kesî hetê dewleta Îranî ra ameyî qetilkerdene û cezaya dîya çalakgeran. Ame zanayene ke mezelê Jîna Emînîye ke Goristanê Ayçî yê bajarê Seqîzî de yo ame texrîbkerdiş. Keyeyê Jînaye dîyar kerd ke do mezelê kênaya xo reyna virazî. Ercayeyê vîrardişî yo ke mezelê Jîna verê cû zî ameybî texrîbkerdene la keyeyê aye reyna mezelê kênaya xo viraştbî.