‘Ma fek pawitişê edaletî ra vera nêdanê’ 

2023-05-21 15:20:48


	 

	 

	RIHA - Emîne û Ferît Şenyaşar ke Nobeta Edaletî domnenê vatî, “Ma dest pawitişê heqîqet û edaletî veranêdayo û ma fek vera nêdanê. "

	 

	Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê Hezîrana 2018ine de qezaya Pirsûsî ya Rihayî de hêrişê keyeyê Şenyaşarî kerdibî. Netîceyê hêrîşî de mêrdeyê Emîne Şenyaşar û di lajê aye amebî qetilkerdiş. Serê nê de Emîne Şenyaşar û lajê aye Ferît Şenyaşar 9ê Adara 2021ine de vernîya Edliyeyê Rihayî de dest bi çalakîya Nobeta Edaletî kerdibî. Çalakîya keyeyê Şenyaşarî roja 790ine de dewam kerd.

	 

	Seba ke peynîya hewteyî de edlîye padeye ya, keye nobete keyeyê xo yê Pirsûsî de dewam kena. 

	 

	Keyeyî serê hesabê xo yê medyaya dijîtale de nê mesajî pare kerd: “Tarîx şahid o ke ma fek pawitişê heqîqet û edaletî ra vera nêda. Ma do fek vera nêdê.”