
Meclîsê Şarê Mexmûrî derheqê ablûqa de eşkerayîye da 

2023-05-20 14:25:04


	&nbsp;

	&nbsp;

	MERKEZÊ XEBERAN - Meclîsê Şarî yê Demokratîkî yê Mexmûrî dima ke derheqê ablûqa de selahîyetdaranê Iraqî reyde pêvînayîş kerd eşkerayîyêke daye û vat: “Ma do îradeyê xo teslîm nêkerê, xo ver bidê.”

	&nbsp;

	Artêşa Iraqî serê sibayî bi wesayîtanê zirxînan, polîs û hêzanê taybetan kerd ke Kampa Multecîyan a Şehîd Rûstem Cûdîyî (Mexmûr) pê têlan bigêra binê ablûqa. Vera xîretê ablûqa bi seyan roniştoxê Mexmûrî xo ver danê.

	&nbsp;

	Heyetêkê Meclîsê Şarî yê Demokratîkî yê Mexmûrî derheqê ablûqa de selahîyetdaranê artêşa Iraqî de pêvînayîş kerd. Pêvînayîş saetan ra dima qedîya. Dima nameyê Meclîsê Şarî ser o Fîlîz Budak eşkerayîyêke daye.

	&nbsp;

	Fîlîze eşkerayîye de vat: “Artêşa Iraqî pê polîs û leşkeran kerd ke kampe bigêra binê ablûqa. Ê heqê ma yê cuye û îradeyê ma çin hesibnenê. &nbsp;Hukmatê Iraqî qet yew meseleya ma çareser nêkeno, asayîşê ma nêpaweno û dormeyê kampe de kuleyan virazeno. Ma saetêke pêvînayîş kerd û waşt ke kuleyî wa nêrê awankerdene. La ê zî bi israrî vanê ke kuleyan awan bikerê. Ma do îradeyê xo teslîm nêkerê û xoverdayîşî rê dewam bikerê. Îradeyê ma do dewleta tirke yan zî Iraqî rê pêşkêş nêbo. Ma do ser bikewê.''

	&nbsp;

	Eşkerayîye bi sloganê ‘Bijî Berxwedana Mexmûrê’ qedîyaye.

	&nbsp;

	Çalakîya xeyme ya şarî dewam kena.

	&nbsp;

	&nbsp;

	

	&nbsp;