Muracatê binpaykerdişî yê ESHÎDî heme ameyî redkerdiş  

2023-05-18 11:58:18


	 

	 

	ÎZMÎR - Temsîlkara Îzmîrî ya ESHÎDî Nîlgun Karacaogluye derheqê binpaykerdişê weçînayîşî de ercnayîş kerd û dîyar kerd ke hetê heqê weçînitiş û weçînayîşî de 4 muracatê cîyayî ameyî redkerdiş û heta no îhlalkerdiş resa merhelayêk winasî ke yew astengdarêk rê tuwalet de rayeştiş ame ferzkerdiş. 

	 

	Komeleya Seba Heqê Ciewnayîşê Hempare (ESHÎD) serra 2011î ra nata ewnîyenê weçînayîşanê herêmî û pêroyî. Amadekarîya weçînayîşê 2011î de Platformê Ciewnayîşê Xosere ke ame awankerdiş ESHÎDî reyde weçînayîşî taqîp kerd û eynî wextî de sekreterîya platformî zî rayra berd. Platform endam û zerrîwaştoxanê bîleşenê komelê sîvîlî yê xoserî ra pê yeno û girseyêk xoser yê viewnayîşî zî tede esto. Platform roja ke Heyetê Weçînayîşê Berzî (YSK) tarîxê weçînayîşî eşkera kerd ra heta netîceyê weçînayîşî pêro qewimîyayîşan taqîp kerd, propagandayê partî, propagandayê materyalan, vatişê namzedan, uslubo ke ame şuxulnayîş, vaatê ke ameyî dayîş, dezavantajê koman, heqê weçînayîş û weçînitişî pêro binoaykerdişan tespit kerd.

	 

	Temsîlkara Îzmîrî ya ESHÎDî Nîlgun Karacaogluye qala weçînayîş ê senî qatîp kerdî kerd û derheqê binpaykerdişê ke ameyî ciqîyayîş de ercnayîş kerd.

	 

	‘4 muracatê cîyayî ameyî kerdiş’

	 

	Nîlgune dîyar kerd ke weçînayîşî de bernameyê bi nameyê ‘eşit gozlemci’ ke hem App Store û hem zî Google Playî ra barê telefonan yeno kerdiş aver berdî û vat: “Nê bernameyan de cayê cîya yê Tirkîya ra 600 kesî estbî. Binpaykerdişê ke raştê îna ameyî nê bernameyan de dayî pêhesnayîş û kerdî delîl. Do turê diyîne de zî no bername bêro şuxulnayîş. Ma YSKyî rê 4 muracatê cîyayan kerd. Ma derheqê kesê ke zîndanan de raye eştî, ronayîşê sindoqê seyyarî, ziwanê dadîye de heqê weçînayîş û weçînitişî û raye eştişî de muracatkerd.”

	 

	‘Muracatî ameyî redkerdiş’

	 

	Nîlgune dewamê qiseykerdişê xo de vat: “Ma seke weçînayîşanê verînan de kerd nê weçînayîşî de zî ma muracatê xo kerd la heme ameyî redkerdiş. Ma derheqê sindoqanê seyyarî de muracat kerd. Kesê ke bê keyeyî û raye erzenî de ma muracat kerd. Sewbîna propaganyan de ziwanê nefretî zêde ame şuxulnayîş û hetê LGBTÎ+ yan de zî. Muracato ke ma seba na babete kerd hema netîce nêbîyo.”

	 

	‘Heqê rayeştişê nimite yê astengdaran ame îhlalkerdiş’

	 

	Nîlgune wina peynî ard: “Ma raştê hedîseyanê ke resa şîdetê fîzîkî ameyî. Hetê kesê astengdaran de binpaykerdiş zêde qewimîya. Kesê astengdar bi asansoran nêameyî berdiş, mektebe ke ci de rampayê astengdaran çînî yo ke rayeştiş ame ferzkerdiş. Heta kesêk astengdar verê çimanê 4 kesê peywirdarî de tuwalet de bi hawayêko akerde û eşkera ci ser de rayeştiş ame ferzkerdiş. Heqê raydayîşê nimite ame îhlalkerdiş. Astengdarê çimî şablono ke YSKyî hadre kerdbî nê weçînayîşî de nêxebetnayî û raya xo bi rayîrê merdimanê xo eştî.”