Tepişteya nêweşe Havva pêwa 3 emelîyatan nîna veradayîş 

2023-05-12 11:59:45


	 

	 

	STENBOL - Tepişteya nêweşe Havva Aka ke 19 serrî ya tepişte ya û nika zîndanê Gebzeye de ya, vera nêweşîyanê xo serbest nîna verdayîş. Havvaye prosesê tepiştişê xo de hirê reyan amelîyat bîya û embazê aye seba serbrest verdayîşê aye veng danî rayaumûmî.

	 

	Havva Ake serra 2004î de hetê Sûrîye ra teslîmê Tirkîya ameye kerdiş û cezaya muebetî aye rê ameye birnayîş. Wexto ke yena tepiştiş aye benî zîndanê Meletî û heta 2011î tîya de manena. Şertê zîndanî vera xeylê nêweşîyî aye de peyda bîyî. Bi kansere memikan kewte, rehîmê aye de kîst vejîya. Vera heme nêweşîyan Havva serbest nîna verdayîş.

	 

	Havva reyêk kanseri memikan û di reyan zî kîstê malzagonîye ra pêro pîya 3 reyan amelîyat bena. Embazê aye dîyar kenî ke Havva mabenê serranê 2011-2019î de nameyêne dermankerdiş, la dima ra problemi ameyî ciwîyayîş. Embazê aye vatî ke hem înan hem zî Havvaye seba nê têkoşîn dayî û serra 2021î de bi bahaneyê xo biresnî dermanan înan bi xo derman temin kerdî la na reye zî zîndan derman nêgirewto zerre.

	 

	Havva zîndan de nêeşkena asan biba

	 

	Embaza Havvaye wina vat: “Havva embazêka her şertî de zerrîya aye bi heskerdiş û coşî tekerde ya. Havva girêdayeyê embaztîye ya. Wexto ke nêweş ba zî çîyêk kêfê cuya aye nêkişeno. Embaza Havvaye cuye ra hes kena. La şertê zîndanî nêweşîya aye giranêr kenî. Şertê zîndanî de nêweşîya giran zaf zehmetin a. Vera înan şertan bi îrade ya. Zîndan de merdim nêeşkeno asan bibo. Ganî nêweşê winasî teber de bî. Paştîdayîş zaf muhîm o.”