
'Hêvîya ciwanan Partîya Çep a Keske ya' 

2023-05-05 10:20:40


	&nbsp;

	Rozerîn Gultekîn

	&nbsp;

	STENBOL - Endama Meclîsê Ciwanan a Partîya Çep a Keske ya Stenbolî Evîn Yeşîlmene derheqê xebatê weçînayîş û rolê ciwanan de qisey kerd û vat ke do îqtîdarî bişirawê, govend û deyîran de do bêrê têhet.

	&nbsp;

	Weçînayîşê 14ê Gulane rê demêk kilm mend û xebatî bêmaben dewam kenê. Ciwanê ke her tim hedefê polîtîkayê îqtîdarî de yê bi qerardarîyêk gird kewenê weçînayîşî. Meclîsê Ciwanan a Partîya Çep a Keske ke deklerasyonê weçînayîşî eşkera kerd dîyar kerd ke do seba probleman bibê çareserî.

	&nbsp;

	Endama Meclîsê Ciwanan a Partîya Çep a Keske ya Stenbolî Evîn Yeşîlmene derheqê berpirsyarîya ke kewena serê mile ciwanan de qisey kerd û veng daye ciwanan ke vera zîhnîyeto ke îradeya înan çinî hesibneno de pîya îmzeya xo bierzê tarîxî.

	&nbsp;

	‘Rolêk gird keweno milê ciwanan ser’

	&nbsp;

	Evîne da zanayîş ke ganî ciwan dormeyê Partîya Çep a Keske de xo bi rêxistin bikerê û vat: “Vernîya ma de weçînayîşêk tarîxî esto. Tîya de rol û mîsyonê tewr giran keweno milê ciwanan ser. Weçînayîşêk winasî yê tarîxî de rolêk giran keweno milê cinî û ciwanan ser. Beyannatê Partîya Çep a Keske xîtabê cinî û ciwanan keno. Ma bi fikrîyatê HDPyî binê amblemê Partîya Çep a Keske de xo bi rêxistin kenê û veng danê her kesî ke xo bi rêxistin bikerê.”&nbsp;

	&nbsp;

	‘Ciwan hêzê motorî yê şoreşî yî’

	&nbsp;

	Evîne dîyar kerd ke sey meclîsê ciwanan 6ê Nîsane de startê weçînayîşî dayî û na çarçewa de xebatê xo rayra benê û wina dewam kerd: “Ma bi sloganê ‘reyna ciwan reyna serkewtiş’ dest bi xebatan kerd. Ciwan her tim hêzê motorî yê şoreşî yê. Vera zilmê îqtîdarî de ciwanî her tim serkewte bîyî. Ma do cinî û ciwanî qezenc bikerê. Xebata weçînayîşî dewam kena. Ma bi partîya xo reyde her ca de yî. rojanê verênan de Okmeydanî de pêvînayîşê ciwanan pê ame. Xeylê ciwanî tewrê pêvînayîşî bîyî. Xebata kampanyaya weçînayîşî dewam kena.”

	&nbsp;

	Hêvîya cinî û ciwanan Partîya Çep a Keske ya

	&nbsp;

	Evîne dîyar kerd ke hêvîya cinî û ciwanan Partîya Çep a Keske ya û wina vat: “Ma meclîsê ciwanan deklerasyonê weçînayîşî de dîyar kerd ke ma seba cuyêka seyyewbînîye xebatan kenê. Hêvîya cinî û ciwanan Partîya Çep a Keske ya. Ciwanî îqtîdar ra zaf bêzar ê. Sey hêvî zî Partîya Çep a Keske vînenê. Adresê çareserîya HDPyî vînenê û Partîya Çep a Keske bi fikriyatê HDPyî rayra şina, sey çareserî vînenê. Tecrîd her ke şino giran beno. La aştî û azadî do bi şikinayîşê tecrîdî bo. Tecrîd zî do bi ruhê dînamîk ê ciwanan bêro wedaritiş.”

	&nbsp;

	‘Ma do îqtîdar bierşawê û bêrê têhet’

	&nbsp;

	Evîne da zanayîş ê do îqtîdar bierşawê û govendan de bêrê têhet û wina vat: “Ma do sindoqan de cewabê îqtîdarî bidê. Ma do bi 100 parlamenterî cewab bidê îqtîdar û îqtîdar bierşawê. Ma do îqtîdar bierşawê û govende û deyîran de bêrê têhet. Ma do zorê faşîzmî 14ê Gulane de berê. Hemverê zîhnîyetê ke îradeyê ma çin hesibneno û mahkumê vêşanî keno, ma do îmzaya xo bierzê tarîx."

	&nbsp;