
Zîndan de hemverê guatrê jehrî têkoşîn kena 

2023-04-28 14:31:26


	&nbsp;

	&nbsp;

	AMED - Nêweşa tepişteye Rihan Kavak Ozbeka ke bi 7 serrî yo Zîndanê Cinîyan ê Sîncanî de ya bi nêweşîya guatrî ya. Pêwa nêweşîya aye zêde benê zî Rihane nîna veradayîş.

	&nbsp;

	Binpaykerdişê heqê zîndanê Kurdistan û Tirkîya de dewam kenê. Goreyê dayeyê Komeleya Heqê Merdiman (ÎHD) ya 2022ine zîndanan de 651 ci ra giran bî temamê hezar û 517 tepişteyê nêweşî estê. Nê nêweşan ra yew ci zî Rihan Kavak Ozbek a.

	&nbsp;

	7 serrî yo tepişte ya

	&nbsp;

	Rihane demê Hemserekîya Partîya Herêmê Demokratîke (DBP) ê Sûrî kena, 3yê Adara 2016ine de yena destbendkerdiş û dimayê cipersayîşê 4 rojan ê bi îşkenceyî yena tepiştiş. 5 tutê Rihane estê û yew ci ra sera 90 astengdar o. Rihane dimayê ke ameye tepiştiş, surgunê Zîndanê cinîyan ê Sîncanî ameye kerdiş. Rihane Çeleyê 2019ine de ÎHDyî rê mektubêke erşawena û vana aye Adara 2018ine de bi teşhîsê guatirê jehrî sewqê Nêweşxaneyê Nimûneyî yê Anqarayî ameye kerdiş. Rihane mektube xo de vat, seba tedawîya aye ganî 4 dermanê THYROMAZOL bêrê şuxulnayîş.&nbsp;

	&nbsp;

	Leşkeran rê nê nêweşa tepişteye rê cipersayîş akerdî

	&nbsp;

	Rihane dimayê di aşman seba kontrolî şina nêweşxane û seba astimê xo vana ke aye nêeşkena esparê wesayîtê rîngî biba. Labelê reyna zî aye bi wesayît benê nêweşxane. Rihane eynî wextî de mektuba xo de ard ziwan ke nêweşxane de bi desteştişê leşkerî de rî bi rî menda û nêzdîbîyayîşê înan baş nîyo. Pêwa ke Rihane waştişname dana, derheqê leşkerî de nê, derheqê aye de cipersayîş yeno destpêkerdiş. Nêweşîyê Rihane yê sey guatrê jehrî, hipertiroid, fitixê paştî, astim, helnayîşê esteyan, nêweşîya gurçikan, pîlbîyayîşê çimî, dûzbîyayîşê qirike esto. Mîyanê şert û mercê zîndanî de nêeşkena tedawî bivîna.&nbsp;

	&nbsp;

	Cipersayîşê 'wesayît nêecibnaya'

	&nbsp;

	Rihane her çiqas waştişê wesayîtê normal bikero zî no bêcewab mend. Rihane seba wesayîtê rîngî espar nêbî, xeylêk reyan nêeşkaye şêra nêweşxane. Îdarekarîyê zîndanî zî vat, "Seba wesayît nêecibnaya, coka nêşîya nêweşxane." Nê ser de derheqê Rihane de cipersayîş ame destpêkerdiş.

	&nbsp;

	'Ganî Rihane serbest bêra veradayîş'

	&nbsp;

	Hafize Îpeka ke bi Rihane reyde eynî qawişî bî, da zanayîş ke nêweşîya Rihane zêde bîya û emelîyat bîya. Hafizeye da zanayîş ke dimayê emelîyatî şertê zîndanî hîn zêde zor dano. Sewbîna Hafizeye da zanayîş ke Rihane nêeşkena tutê xo yê astengdar bivîna û vat: "Lazimîya tutî bî heskerdişî esta. Tut nêeşkeno lazimîyê xo bi ca bîyaro. Coka ganî Rihane serbest bêra veradayîş. Seba tutê xo yê nêweşî nêeşkena eleqeder biba zî sey psîkolojî zî xo baş hîs nêkena. Hem seba weşîya Rihane, hem zî seba tutê aye ganî serbest bêra veradayîş."

	&nbsp;