‘Nobeta Edaletî’ ya keyeyê Şenyaşarî 766 rojî yo dewam kena 

2023-04-27 15:48:33


	 

	RIHA - Çalakîya "Nobeta Edaletî" ya keyeyê Şenyaşarî verê edliyeyî de 766 rojî yo dewam kena û keyeyî ewro nê mesajî da: "Cayo ke edalet çinîbo uca de her çî problem o.”

	 

	Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê Hezîrana 2018ine de qezaya Pirsûsê Rihayî de hêrişê keyeyê Şenyaşarî kerdibî. Netîceyê hêrişî de mêrdeyê Emîne Şenyaşar û di lajê aye amebî qetilkerdiş. Nê ser de Emîne Şenyaşar û lajê aye Ferît Şenyaşar 9ê Adara 2021 ra vernîya Edliyeyê Rihayî de dest bi çalakîya Nobeta Edaletî kerdibî. Çalakîya keyeyê Şenyaşarî roja 766ine de dewam kena.

	 

	Keyeyî ewro serê medyaya dijîtale de nê mesajî pare kerd: "Cayê ke edalet çinîbo uca de her çî problem o.   Têkoşînê ma yê heqîqetî 766 rojî yo dewam keno.”