
Taqîbkerdişê dewaya Ceylane ame astengkerdiş

2023-04-24 14:24:10


	&nbsp;

	ANQARA - Pêwa ke salona roniştişî yê dewaya ke rojnamegare Ceylan Şahînlî ci ra yena muhakemekerdiş cayê 10 kesî estbî zî nêverdayî ke welatî û rojnamegerî roniştiş taqîb bikerê.&nbsp;

	&nbsp;

	roniştişê diyîn ê dewaya derheqê muxabîra Ajansê Mezopotamyayî (MA) Ceylan Şahînlî ya ke seba xebatê xo yê rojnamegerî tepişte ya, bi bahaneyê çalakî û aktîvîteyê ke serra 2017ine de tewr bîya bi îdiayê “propagandayê rêxistine” ameye akerdiş, 20ine Dadgeha Cezaya Girane ya Anqarayî de ame vînayîş. Roniştişê ke Ceylane tewrbî de avûkatê aye Resûl Temûr zî Edliyeyê Amedî de bi SEGBÎS tewr bi.

	&nbsp;

	Verfeka Komîsyonê Zîndanan ê &nbsp;Merkezî yê Komeleya Heqê Merdiman (ÎHD) Nûray Çevîrmen û rojnameger Huseyîn Aykol û muxabîrê ke waştî roniştiş taqîb bikerê, bi bahaneyê eywane de ca çin o, nêgirewtî zere.

	&nbsp;

	Avûkat Resûl Temûrî roniştiş de qisey kerd û dîyar kerd ke îdiayê derheqê muwekîla xo de qebûl nêkenê û heme aktîvîteyê aye qanûnî yê. Resûlî, ard ziwan ke parekerdişê medyaya dîjîtale yê bîyê babeta îdianameyî zî aydê Ceylane nîyê û waştişê beraetî kerd.

	&nbsp;

	Ceylane zî amadekerdişê îdîanameyî dimayê tepiştişê aye yê derheqê çalakî, aktîvîte û parekerdişê serra 2017ine de wayîrê manayêke cîya de yê û waştişê beraetê xo kerd.

	&nbsp;

	Heyetê dadgehe dimayê pawitişî qerarê xo yê mabêne eşkera ked, waşt ke nimûneyêk îdianameyê dewaya Ceylane ci ra ameya tepiştiş, pêşkêşê dadgehe bêro kerdiş, Serdozgerîya Komare ya Anqarayî ra bêro waştiş ke derheqê aye de cipersayîşêk cîya esto yan nê û roniştiş taloqê 12ê hezîrane kerd.

	&nbsp;