Cinîyê Şemzînanî: Wa Newroze biba wesîleya aştî û azadîye

2023-03-14 09:50:09


	 

	 

	COLEMÊRG - Şemzînano ke do adirê Newroze yê yewine uca de bêro tafînayîş de amadekarîyî dewam kenê. Cinîyê Şemzînanî dîyar kerdî ke do bi heyecan û coşêke gird raşteyanê Newroze pir bikerê.

	 

	Do Newroza ke her serre bi mîlyonan kesan tewrê ci benê, emserr bi şîarê “Her der Newroz, Her dem Azadî” û “Bi adirê Newroze ver bi azadîye ” bêra pêşwazîkerdiş. Newroze do bi rihê serewedarnayîşî 43 merkezan de bêra pêşwazîkerdiş. Do adirê yewine yê Newroza 2023yî 15ê Adare de Şemzînanê Colemêrgî de bêro tafînayîş.

	 

	Cinîyê ke Şemzînan de manenê dîyar kerdî ke do Newroza emserrî zî bi heyecan û coşêke gird bêra pêşwazîkerdiş û vat ke wa Newroze biba wesîleya aştî û azadîye. 

	 

	

	'Newroze seba cinîyan destpêkê azadîye ya'

	 

	Fatma Şenlîke da zanayîş ke tafînayîşê yewine yê adirê Newroza emserrî vera ê zaf heyecanin ê û wina vat: “Ma seba amadekarîya Newroze fistanan deşt. Pîrozkerdişê Newroze yê yewine tîya de seba wayîrê manayêka muhîm a. Înşallah na Newroze biba wesîleya azadî û aştîye û biba wesîle ke berê zîndanan abibê. Newroze seba cinîyan destpêkê azadîye ya. wa hemwelatîyê Şemzînanî heme bêrê Newroze. Ma pîya do bi kelecanêk gird Newroze pêşwazî bikerê. Wa her kes Newrozanê verênan  bîyaro xo vîr..”

	

	 

	'Wa Newroz biba wesîleya aştî û azadîye'

	 

	Mevlude Gelîcîye zî dîyar kerd ke ê do raşteyanê Newroze de bi heyecan û coşêk gird Newroze pêşwazî bikerê û wina dewam kerd: “Ma do bi kincanê xo yê herêmî yê kurdî biherikê raşteyan. Newroze seba ameyîşê wisarî ya, ganî ma ameyîşê wisarî bi heyecan û têkoşînêk gird pîroz bikerê. Ma heme hemwelatîyê Şemzînanî dawetê raşteyê Newroze kenê. Wa Newroze biba wesîleya aştî û azadîye.”