
Dîlkan de xirbeyî nînê wedaritiş 

2023-03-12 13:46:45


	&nbsp;

	&nbsp;

	Marta Somek

	&nbsp;

	SEMSÛR - Dîlkano ke bi erdlerzî reyde pêro rijyayî û dewijan bi îmkananê xo rayîr akerdê, xirbeyê ci hema nêameyê wedaritiş.

	&nbsp;

	Dimayê erdlerzê merkezê ci Mereş bî 11 bajar ci ra tesîr bî û bi des hezaran kesî binê xirbeyan de mendî û dinyaya xo bedelnayî. Yew nê bajaran ra zî Semsur bi. Selahîyetdarî û AFADî roja 6ine de şî Semsur xirbeyan ewnîyayî û vejîyayî. Welatijan bi îmkananê xo cenazeyanê xo vetî û bi deshezaran kesî bêkefen û bêşûtiş ameyî definkerdiş.

	&nbsp;

	Rayîrê dewa Dîlkan nîna akerdiş

	&nbsp;

	

	&nbsp;

	Yew dewê girêdayeyê Semsurî, Dîlkan ke bi temamî rijîya, hema xirbeyê ci nêameyî wedaritiş. Dewe de 46 kesî binê xirbeyan de dinyaya xo bedelnayî. Seba rayîr padeye bi zî cenazeyî dimayê çend rojan amebî padayîş. Welatîyê dewa Dîlkane seba rewşa ke nêeşkabî şêrê mecbûr mendî koç bikerê. Roniştoxê dewe çîyê ke ciwîyayî ajansê ma rê wina qal kerdî ê vatîbî: “Ma dewe de bimendêne ma do binê xirbeyan de bimendêne. Pêro dewijan koç kerd. Vewre vara. Keyeyî rijyayî. Merdişî zêde bî. Ma seba cenaza bi îmkananê xo kepçe berdî û ma hîrê rojan nêeşkayî xo biresnê dewe. Cenaze 3-4 rojan binê xirbeyan de mendî.”

	&nbsp;

	Bi îmkananê xo xirbeyan ra wedarinayî

	&nbsp;

	Roniştoxê dewe seba rayîrî abibi, muracatê Îdareyê Taybetî yê Semsur û Mudirîyê Karê Awe yê Semsûrî kerdî û selahîyetdaran cewabê ‘destê ma de ekipman, loder kepçe çin o. Şima şêrê abikerê, ma do mazotê şima bidê’ kerdibî. Dewijan çend rojî verê bi TIRî keçpe berdî dewî û bi îmkanê xo rayîr akerdî.

	&nbsp;

	Sewbîna keyeyê xisarî înan zaf giran bi, dewijan bi îmkananê xo rijnayî. La na rey zî xirbeyê înan nînê wedaritiş. Dewijî dîyar kenê ke nê xirbeyî ganî wurzê û agêrê cuya xo ya verê.

	&nbsp;