‘Nobeta Edaletî’ ya keyeyê Şenyaşarî 719 rojî yo dewam kena 

2023-03-11 13:31:59


	 

	 

	RIHA - Çalakîya "Nobeta Edaletî" ya keyeyê Şenyaşarî roja 719ine de dewam kerd û serê medyaya dîjîtale de no mesaj ame parekerdiş: “Eke cayêkê tekoşîn bibo uca de umud zî esto.”

	 

	Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê hezîrana 2018ine de qezaya Pirsûsî ya Rihayî hêrişê keyeyê Şenyaşarî kerd. Netîceyê hêrişî de mêrde û di lajê Emîne Şenyaşare ameyî qetilkerdiş. Serê nê de Emîne Şenyaşar û lajê ci Ferît Şenyaşar 9ê adara 2021ine de vernîya Edliyeyê Rihayî de dest bi çalakîya Nobeta Edaletî kerdî. Çalakîya keyeyê Şenyaşarî roja 719ine de dewam kena.

	 

	Seba ke roja şeme ya û edliye padaye ya keyeyê Şenyaşarî çalakîya xo keyeyê xo yê qezaya Pirsûsî de dewam kerd û serê hesabê xo yê medyaya dîjîtale de nê mesajî pare kerd: “Eke cayêk têkoşîn bibo, uca de zî umud esto. Kede û paştdayîşê cinîyan ke bibo qetî serkewtiş uca de esto. Riha de hemverê Nemrûdan de Îbrahîmî do serbikewê.”