Taxa Şêxmeqsûdî bi rengê cinîyan xemilîya 

2023-03-08 15:37:24


	 

	 

	MERKEZÊ XEBERAN - 8ê Adare Roja Cinîyanê Kedkaran ê Dinya Heleb de bi rayîr ra şîyayîş û mîtîng  ame pîrozkerdiş. Taxa Şêxmeqsûdî bi rengê cinîyan xemilîyayî.

	 

	Bi rayberîya Kongra Starî ya Helebî, cinî bi sloganê "Bi jin, jiyan, azadî reyde ver bi şorişê cinîyan reyde" Heleb de ameyî têhet. Bi hezaran kesî vernîya Merkezê Ciwananê Şorişgêrî yê Taxa Şêxmeqsûdî de kom bî.

	 

	Cinîyê taxa Şêxmeqsûd û Eşrefîye bi sloganê "Jin, Jiyan, Azadî" ver bi Raşteyê Şehîdan ra dest bi rayîr ra şîyayîşî kerdî. Dimayê rayîr ra şîyayîşî mîtîngêk ame organîzekerdiş û di deqeyêke rêzgirewtişî yê seba yadkerdişê cangoriyan, Kongra Stare Zelal Ceger qisey kerd.

	 

	Zelal Ceger destpêkê 8ê Adare Rayberê PKKyî Abdullah Ocalanî, cinîyê azadîwaştox û kedkar hemine pîroz kerd û vat: "Seke Rayber Apo vano, bi rengê cinîyan bi şorişê cinîyan, cuye azad bena. Seba nê ma ewro bi sloganê, 'Jin, Jiyan, Azadî' ver bi şorişêk azadî şinê. Keleya xoverdayîşî Şêxmeqsûd û Eşrefiye de ma nê çî vînenê û na rastî ra bawer kenê."

	 

	Verfeka Meclîsê Cinîyan ê Partîya Ameyoxî ya Vakur û Rojhelatê Sûrîye Galiya Kejwan zî 8ê Adare cinîyê Sûriyeyî û heme cinîyanê azadîwaştoxan pîroz kerd û dîyar kerd ke bi pêgirewtişê cinîyan do şorişê cinîyan serbikewo.