Ayla Akat Ata: Ma do seba dinyayêka bêşer biqîrê 

2023-03-07 15:35:55


	 

	 

	ANQARA - Parlamentera HDPyî ya verêne Ayla Akat Ataye bi wesîleya 8ê Adare mesaj şirawit. Aylaye mesajê xo de vengê awankerdişê dinyayêka bi paştîdayîş û bêşer kerd.

	 

	Parlamentera Partîya Demokratîke ya Şaran (HDP) ya verêne û aktivîsta Tevgerê Cinîyanê Azadan (TJA) Ayla Akat Ataya ke Zîndanê Cinîyan yê Sîncanî de yena tepiştiş bi wesîleya 8ê Adare Roja Cinîyane ya Dinya mesajêk şirawite.

	 

	Mesajê dinyayêka bêşer

	 

	Aylaye mesajê xo de wina vat: “Ma hewteyo ke ma seyyewbînanî, azadîye, paştîdayîş qîrenî, hemverê dagirkerîye de vejîyenê raşteyande 8ê Adare pêşwazî kenê û ma 8ê Adare bi çalakîyanê raşteyan, zîndanan û herêma erdlerzî de temam kenê. Ez way û birayanê xo rê silam kena û heskerdişanê xo şirawena. 8ê Adare pîroz bo! Biciwîyo 8ê Adare! Jin Jiyan Azadî.”