Mexmûr de pêşangehê 8ê Adare 

2023-03-06 14:39:34


	 

	MERKEZÊ XEBERAN - Wargehê Multecîyan ê Mexmûrî rayberîya Weqfê Cinîyan de pêşangehêk hunerî bi wesîleya 8ê Adare Roja Cinîyan ê Dinya bi sloganê, ‘Ma bi Jin Jiyan Azadî reyde ver bi şorişê cinîyan de rayîr ra şinê' ame akerdiş.

	 

	Wargehê Multecîyan ê Şehîd Rustem Cûdî (Mexmûr) rayberîya Weqfê Cinîyan ê Mexmûrî de pêşangehêk hunerî bi wesîleya 8ê Adare Roja Cinîyan ê Dinya, Merkezê Kevana Zêrîn de bi sloganê ‘Ma bi Jin Jiyan Azadî reyde ver bi şorişê cinî de rayîr ra şinê' ame akerdiş.

	 

	Pêşangeh bi deqeyêke rêzgirewtişê seba temamê ruhê şehîdanê azadîya Kurdistanî ame akerdiş. Dimayê rêzgirewtişî seba qiseykerdişê akerdişî Endama Weqfa Cinîyan Ayten Sure qisey kerd.

	 

	Ayten Sure destpêkê qiseykerdişê xo de 8ê Adare pêro cinîyanê dinya pîroz kerd û vat: “Bi xêrê şehîdanê xo her serre 8ê Adare, ma bi coşêk gird pîroz kerdêne. La seba erdlerzo ke vakurê Kurdistanî de virazya, ma 8ê Adarê bi nîşandayîşê pêşangahêke pêşwazî kenê. Ma do 8ê Adare Rayber Apo, Şehîdanê Tevgerê Azadîye û temamê cinîyê dinya rê pîroz kenê. Bi nê amancî ma silamanê xo gila zerdî yê tûnelan rê şirawenê."

	 

	Dimayê qiseykerdişê akerdişî hetê di dayîkê şehîdan ra kordele ameye birnayîş û roniştoxê wargehî derbazê salona pêşengehî bî.

	 

	Pêşengeh de fotografê erdlerzî, tabloyê rayberê cinîyê şorişgêrî, teftalê kultur û hunerê kurdan ameyî mojnayîş. Sewbîna seba xêrê Şehîdanê Azadîya Kurdistanî nanê tewqe ame pewijnayîş û ame vilakerdiş. Pêşengeh do heta şan de şarî rê akerde bo.