Paştdayîşê Emîllîeya Atînayije seba Semsûrî

2023-03-05 11:35:47


	 

	 

	Marta Somek

	 

	SEMSÛR - Emîlîeya Atînayije bi karavan kewte rayîr û ameye Semsûr tîya de zerrîwaz şuxulêna û vat, do tewrê rayîr ra şîyayîşê 8ê Adare biba û têkoşînê rêxistinkerde dewam bikera.

	 

	Dimayê erdlerzê merkezê ci Mereş bi, tesîr serê 11 bajaran de kerd yew nê bajaran ra zî Semsûr bi. Roja ewilî de zerrîwazî bi paştdayîşêk pîlî nê bajaran de şuxulênê. Xebatê zerrîwazan hema zî dewam kenê. Kurdistan, Tirkîya û her çar hetê dinya zerrîwazî yenê herême û xebatê xo dewam kenê. Cinîya bi nameyê Emîlîe zî Atînayê Yunanîstanî ra bi karavana xo ameye Semsur û bi hawayêkê zerrîwaz şuxulêna. Emîlîe ke Kona Cinîyan ê HDP û TJAyî awan kerda de manena, hîkayeya xo qalî kerd.

	 

	Paştdayîşê cinî 

	 

	Emîlîe Atîna ra bi embazanê xo reyde seba hetkarîya mexdûrê erdlerzî bi karavana xo yena Tirkîya. Emîlîe dîyar kena ke seba cinîyan dest bi xebatan kerda û bi Koma Paştdayîşê Femînîstî yê Seba Felaketî yena Stenbolê û uca ra zî yena Semsûr. Emîlîe vat, sey şofora cinî tewrê paştdayîşê femînîstî bîya û vat: “Mi berdî cayê ke waştî. Ez xeylêk tesîr bîya. Ez ameya tîya, ez şaş menda. Mi Tirkî û Kurdkî nêzanayîne. Bi rastî rewşa tîya tesîrêk gird serê mi de kerd.”

	 

	

	 

	Adreso bîn rayîr ra şîyayîşê femînîst o

	 

	Emîlîe dîyar kerd ke Semsur de bi rêxistinê cinîyan reyde raşteyan û taxan gêrayê û hewcedarîyê cinîyan bi ca ardê û vat: “No hawirêk krîzî yo. Zaf zelal her çî yeno vînayîş. No kriz û felaket tedayê serê cinîyan zî mojna. Cinî her karî kenê. Her bar serê înan de yo. Ez o her wext bi cinîyanê Tirkîya û Kurdistanî reyde têkilî de bî. Ez o tîya ra tepîya şêrî Stenbol û tewrê Rayîr ra Şîyayîşê Femînîstî yê 8ê Adare bibî. Ez wazena bi cinîyan reyde xo uca de rêxistin bikerî û têkoşînê xo bidî. Ez wazena reyna bêrî tîya. Ganî ma wayîrê heqanê xo vejîyê. Heqî wina asan nêameyî qezenckerdiş. La asan vînî benê. Seba nê ganî ma heqanê xo bipawê. Jin jiyan azadî.”