
Tehlukeyê cuye yê tepişteya nêweşe Semîre Dîrekçîye dewam keno  

2023-03-03 15:10:09


	&nbsp;

	&nbsp;

	AMED - Tehlukeyê cuye yê tepişteya nêweşe Semîre Dîrekçîye dewam keno. Bi qerarê negatif yê Heyetê Weşîye e-tehlîyekerdişê aye ame astengkerdiş.

	&nbsp;

	Goreyê dayeyanê Komeleya Heqanê Merdiman (ÎHD) 651 ci giran hezar û 517 tepişteyê nêweşî yê ke ganî bi lez serbest bêrî verdayîş nika estî. Muracatê seba tehlîyekerdişê tepişteyan ke yenê kerdiş zî bi raporê Dezgehê Tibê Edlî (ATK) yene astengkerdiş. 38 tepişteyê giran yê ke ganî bi lez bêrî veradayîş ra yew zî Semîra Dîrekçîye ya.

	&nbsp;

	Semîre Dîrekçîye zîndanê Cinîyan yê Amedî de têkoşînê cuye dana. Semîreye Stewrê ya Mêrdînî ra ya. 7 way û birayî. Keyeyê aye serra 90î de tedaya dewlete vera koç keno. Semîreye serra 1990î de tewrê PKKyî bena. Çend serrî ra dima pêrodayîşêk de birîndar bena û yena tepiştiş. Cezaya muebetî dîyena aye. 26 serrî ya ke tepişte ya û zîndanê sey Amed, Elezîz, Êlih û Sêrtî de menda. Tewr peynî zî Sêrtî ra ardî Amedî. 4 serrî ya ke zîndanê Cinîyan yê Amedî de manena. Semîreye bi nêweşîyê loqareyan, tansîyon û xeylê nêweşîyanê bînan reyde têkoşîn dana. &nbsp;

	&nbsp;

	Vera xeylê israran Semîreye serbest nîna verdayîş. Avûkat dîyar kerd ke heme nêweşîyê aye zîndan de vejîyayî. &nbsp;25 serrî de 8 reyan amelîyat bîya, di serrê peyênan de zî hirê reyan loqareyê aye kewtî têmîyan. Semîreye de sewbîna nêweşîyê tansîyono berz, zerrî, mîgren, guatr û urtîkerî zî estî.&nbsp;

	&nbsp;

	‘Ganî werdê huşkî nêwera’

	&nbsp;

	Avûkata Semîreye Adîle Salmane roportajêk xo de dîyar kerdbî ke xeylê nêweşîyê Semîreye estî û çimê aye yê raştî zî se ra 95 vînî bîyo û wina vat: “Ganî wendê awî biwera. Werdê huşkî seba aye xeylê bi tehluke yî. Beno ke bibo sebebê xetimîyayîşê loqereyanê aye. Werdê zîndanî xirb î. Ganî werdê sey şorbeyî biwera. La werdê zîndanî qet baş îyî û heme zî şorbeyê hadre yî. Şert û mercan ver dermankerdişê aye nîno kerdiş û temam nêbeno. Semîreye di reyan beşê giran de mend û dima ra reyna girewtî beşe girane. Badê demêk deste aye kelemce kerdî. Koguşê tepişteyan yê fakulteyî nêweşxaneyê cigêrayîşî ra başêr o. La nêweşxaneyê cigêrayîşî vera rewşa rîskî yê tepişteyan sewqê fakulte nêkeno. Wexto ke Semîreye Unîversîteya Dîcleyî de amelîyat bî seba ke hesabê aye de pere çinî bî awe zî nêdayî. Awa ke keye ardbî zî nêameya qebulkerdiş. Seba serbest veradayîşê Semîreye muracatî yene kerdiş la bi qerarê heyete îdarî yene redkerdiş.”

	&nbsp;

	Tehlukeyê cuye yê Semîreye dewam keno û vera heme veng û israran Semîreye serbest nîna verdayîş. Semîreye aşma êlula 2020î de mektubêk şirawite Komeleya Huqûqnasanê Seba Azadîye (OHD) rê û vengê hîsgerîye kerde.&nbsp;

	&nbsp;