
Aktîvîsta TJAye Guler Tunçe: Wextê azadîya cinîyan ameyo 

2023-03-03 11:59:09


	&nbsp;

	&nbsp;

	Sema Çaglak&nbsp;

	&nbsp;

	ŞIRNEX - Aktîvîstê TJAyî Guler Tûnçe dîyar kerd ke bi rojeva şer û erdlerzî ê 8ê Adare Roja Cinîyanê Dinyaye pêşwazî kenî û da zanayîş ke ê do bi rihê yewbînangirewtiş û têkoşînê cinîya Kurde xo bi rêxistin bikerî û wextê azadîya cinîyan ameyo.”

	&nbsp;

	Tevgerê Cinîyanê Azadan (TJA) Şirnex de bi siloganê ‘Wextê azadîya cinîyan ameyo, yewbînangirewtişê cinîyan dano cuyayîş’ bernameyê 8ê Adare Roja Cinîyanê Kedkaran ya Dinyaye bajarê Şirnexî de dest pêkerdî. TJAye erdlerzê Mereşî vera bernameyê xo bedilna û raşteyê erdlerzî de bale ant yewînangirewtişî ser û xebata xo dewam kena.&nbsp;

	&nbsp;

	Aktîvîsta TJAyr Guler Tunçe derheqê xebatanê xo de qisey kerd.

	&nbsp;

	‘Wextê azadîya cinîyan ameyo’

	&nbsp;

	Gulere dîyar kerd ke 40 serrê peyênan de cinîyî bi felsefeya Jin Jiyan Azadî ke bîya xeta têkoşînî xover danî û wina vat: “Cinîyê Rojhelatê Mîyanênî bi felsefeya Jin Jiyan Azadî ke paradigmaya birêz Ocalanî awan kerdo têkoşînê xo pêro cayanê dinya de vila kenî. No çîk şexsê cinîya kurde Jina Amînîye de gur bî û na xete ser de têkoşîn û xoverdayîşêk esto. Bi no hawa mas ey TJAye bi îdîayêk gird vanê ke do na seserre biba seserra azadîya cinîyan. Cinîyan seba îdîayî xeylê bedêlan dayî û têkoşînêk efsanewî dayî. Ma reyna vanê ke bi hêz, ked û têkoşînê cinîyan do na seserre biba seserra azadîya cinîyan û wextê azadîya cinîyan ameyo.”

	&nbsp;

	‘Erdlerzî ra tewr zêde cinî û domanî tesir bîyî’&nbsp;

	&nbsp;

	Gulere bale ant erdlerzê 6ê Sibate ser û wina dewam kerd: “Ma 8ê Adare Roja Cinîyanê Kedkaran ya Dinyaye her serre bi çalaki û bernameyanê cîyayan pêşwazî kerdêne. La emserre serranê bînan ra cîya ya û na serre do rojev biba erdlerz. Bobelatêk gird qewimîya û bi deshezaran kesî dinyaya xo bedilnayî. No erdlerzî de tewr zêde yê ke bîyî mexdur cinî û doman î. Ma sey TJAye roja ewilin ya erdlerzî ra nata raşteyê erdlerzî de yî. Ma bi xeylê cinîyan reyde tora paştîdayîşî awan kerd. Ma kişta cinîyan de bî û înan reyde ma têkilî rona. Bi heme îmkan û hewldayîşanê xo seba ke hetkarîya cinîyan bikerî û vajî ke ‘şima tena nîyî’ &nbsp;ma xebata xo rayra berd. Na çarçewa de ma kampanyaye da dest pêkerdiş. Ma bajaranê erdlerzî rê TIRê Morî şirawit. Seba ke cinî lazimîyanê xo yê esasîyan pê bîyarî ma xo reyna mexduranê erdlerzî yê cinî.”&nbsp;

	&nbsp;

	‘Vera binpaykerdişê heqan ma do raşteyan de bî’

	&nbsp;

	Gulere dewamê qieykerdişê xo de ard ziwan ke înan emserr xebata xo ya 8ê Adare bedilnayî rayraşîyayîş û eşkerayîyan û vat: “Erdlerzî vera emserr Kurdistan, Tirkîya û Sûrîye de dejêk gird esto. Şînêk neteweyî esto. No erdlerzî de bêîhmalîyêk gird esto û la dewlete berpirsîyarî nêgirewt xo ser. Bi rojeva erdlerzî ra girêdaye m abi şer, kaos û pêrodayîşan Tirkîya de kewenê 8ê Adare. Vera hende binpaykerdişê heqan, şer û girankerdişê tecrîdî ma do raşteyan de bî.”

	&nbsp;

	‘Ma do rihê paştîdayîşî bi rêxistin bikerî’

	&nbsp;

	Gulere qiseykerdişê xo yê peyênan de qala bernameyê 8ê Adare kerd û da zanayîş ke ê do rihê paştîdayîşî hîna gird bikerî û vat: “Na serre hetêk de bi rihê têkoşînî yê cinîya kurde û heto bîn de zî rihê paştîdayîşî, ma 8ê Adare pêşwazî kenî. Keyeyê ke herêma erdlerzî ra ameyî, ma do zîyaretê înan ikerî. Sewbîna ma do lazimîyê cinîyan û domanan ca bîyarî. Heta 8ê Adare ma do bi bernameyê cîya cîyayan raşteyan de bî. Sewbîna badê 8ê Adare zî do xebatê ma yê winasî dewam bikerî.”

	&nbsp;

	&nbsp;

	

	&nbsp;