
Komêke avûkatan gerreyê 2 ci ra qeyûmî 134 şaredaran kerd 

2023-02-22 15:35:56


	&nbsp;

	&nbsp;

	MÊRDÎN - Mêrdîn de komêke avûkatan, 10 bajar û qezayê înan ê ke erdlerz ra tesîr bî, gerreyê 2 ci ra qeyûm, 134 şaredarê serra 1999ine ra şuxulênê kerd.

	&nbsp;

	Mêrdîn de komêke avûkatê ke xo sey “Koma Avûkatê Xoser yê Tamî” bi name kenê, 10 bajar û 41 qezayê ke erdlerz ra tesîr bî, gerreyê şaredarê ke verê wezîfe girewtibî û yê nika serê serê kar de yê û qeyûman kerdî. Avûkatan derheqê 2 ci ra qeyûm 132 şaredarê ke zêdeyêr Amed, Riha, Mereş, Meletî, Semsûr, Dîlok, Osmanîye, Hatay, Edene û Kilîsî dimayê serra 1999ine ameyî serê wezîfeyî û nika zî serê wezîfe de yê muracatê Serdozgerîya Komare ya Mêrdînî kerdî.

	&nbsp;

	Mîyanê kesê ke ameyî gerrekerdiş de xêrcê şaredarê bînan Şaredarîya Bajarê Girdîya ya Amedî ya qeyûmî Alî Îhsan Sû û qeyûmê verê Mûrat Beşîkçî zî ca girewt. Ahmet Duyan dimayê gerrekerdişî serê nameyê avûkatan de eşkerayîye da û bale ant serê 10 hezar kesê ke dinyaya xo bedelnayê la kesêk/e zî berpirsyarîya xo qebûl nêkerdo û îstifa nêkerdo û vat: "Xêrcê çend mutehidan, kesêk ke binê cipersayîşî de yo û yeno muhakemekerdiş çin o. Ganî pêro berpirsîyarî bêrê muhakemekerdiş û do bêrê muhakemekerdiş. Ma do nêverdê ke deryayê bêcezaverdayîşî yê dewam keno de vînî bibê."

	&nbsp;

	Serdayîşê sûcî de şaredaran rê sey “sûcdarê tewr zelal, tewr rast, yê ameyê tespîtkerdiş" ame qalkerdiş.

	&nbsp;