Şaredarîya HDPyî 3 hezar kesan rê werd vila kena 

2023-02-16 15:39:53


	 

	 

	MEREŞ - Şaredarîya Silopya ya HDPyî, Bazarcixê ke merkezê erdlerzî ke her roje werd 3 hezar kesî rê vila kena.

	 

	Şaredarîya Silopiya ya Şirnexî ke binê îdarekarîya Partîya Demokratîke ya Şaran (HDP) de roja ewil ra qezaya Bazarcixê Mereşî de birînan derman kena. Goreyê xeberanê Ajansê Mezopotamyayî Şaredarîya ke Taxa Fatîhî kone daya ro, serê siba, nêmroj û şan de her roje seba 3 hezar kesan werd viraznena. Xebatkarê şaredarîye her roje werdê cîya cîya viraznenê û resnenê kesê hewcedar. Xeylêk keyeyî zî  çadirê şaredarî 3 helî werd wenê. Şaredarî eynî wextî de werd û hîn lazimîyê bînî zî hetkarîya mexdûrê erdlerzî kena.

	 

	Yew xebatkarê şaredarîye Kasim Ertan, dîyar kerd ke werd vilayê 3 hezar kesan kenê û da zanayîş ke heme mesref hetê şaredarî ra yeno pêşwazîkerdiş. Kasimî, dîyar kerd demo ameyê mexdûrê erdlerzî perîşan bî û wina vat: “Vatêne ‘kes wayîrê ma nêvejêno’. Ma ra memnûn ê. Merdim hem uca de werd wenê, hem zî benê cayê ke ci de manenê.”

	 

	HDPyî eynî wextî de bi komeleyê herême reyde roja diyîne de bajar de Merkezê Koordînasyonê Krîzî awan kerdibi. Bi seyan zerrîwazan reyde bi desine TIRan hetkarî vila kerdî û 50 dewijan rê xizmetê weşîye dabi. La merkezê mîyanên reyde qeyûm ame tayînkerdiş. Endamê partî û zerrîwazan na rewşe qebûl nêkerdî û qerar dayî ke xebatê xo wareyê cîya de dewam bikerê.