
'Yê ke bîyî sebebê xirban do binê xirban de bimanê'

2023-02-14 10:07:19


	&nbsp;

	&nbsp;

	Melîke Aydin

	&nbsp;

	ÎZMÎR - Aktîvîsta Paştîdayîşê Morî Dîdar Gule dîyar kerd ke hetê temînkerdişê lazimîyanê cinîyan de herême de zehmetî ancenê û ard ziwan ke cinî do kesê berpirsan binê xirban de biverdî.

	&nbsp;

	Erdlerzo gird ke merkezê çi Mereş bî ra dima, Paştîdayişê Morî vengê hetkarîye kerd û seba kelepulanê pakîye yê cinîyan û domanan 'Konê paştîdayîşê cinîyan' avan kerd. Aktîvîsta Paştîdayîşê Morî Dîdar Gule dîyar kerd ke goreyê çimdarîyanê aktîvîstanê ke şinê herême, vejîya raşte ke cinî hetê waştişê lazimîyanê hîjyenî de zehmetîyan ancenê û coka ra zî seba ke vernîya nêweşîyan vêra girewtiş hewl danî ke tuwaletanê seyaran bibî herême. Dîdare wina vat: "Ez vengê paştîdayîşî dana cinîyan. Ma wazenî ke kam nê xirban awan kerdo se binê xirban de bimanî."

	&nbsp;

	'Ma do seba vernîgirewtişê nêweşîyan tuwaletanê seyaran bibî '

	&nbsp;

	Dîdare dewamê qiseykerdişê xo de nê çîyan vat: "Ma sey Paştîdayîşê Morî senî ke erdlerz pê ame, seba lazimîyanê cinîyan û domanan veng kerd. Xeylê aktîvîstê Paştîdayîşê Morî bajaranê cîyayan ra şîyî Antakya û ewja de Konê Paştîdayîşê Cinîyan awan kerd. Cinîyî nê cayan de eşkenê xo biresnî lazimîyanê hîjyenî. Seba ke hetkarî erê yena lazimî zî zêdîyenê. Ma nê konan seba ke cinîyî Xo asanî biresnî lazimîyan awan kerd. Nika hewldayîşê ma awankerdişê tuwaletanê seyaran o. Mîyanê nê şertan de beno ke cinîyî nêweş bikewî. Seba ke vernîya nê çîyan bêro girewtiş ma hewl danî."

	&nbsp;

	Dîdare qiseykerdişê xo yê peyênan de nê çîyan vat: "Aktîvîstê ma şîyî herême û vanê ke cinîyî lazimîyanê xo bi asanî nêeşkenê temîn bikerî. Hewldayîşê ma no yo ke ma seba cinîyan raşteyanê asanan awan bikerî. Ma hewl danî ke bi paştîdayîşê cinîyan birînê cinîyanê herême bilefnî. Ma yê ke nê xirban awan kerdî baş zanî û ma zanê ke do bêrî muhakemekerdiş. Cinîyî nê do kesê berpirsî bêrî muhakemekerdiş."

	&nbsp;