
Bi Forumê Cinîyan ê Stenbolî reyde do xerîteya rayîrî bêra dîyarkerdiş 

2023-02-03 09:53:57


	&nbsp;

	STENBOL - KBGyî ra Nazli Andane dîyar kerd ke KBGyî bi sloganê ‘serewedarnayîşê cinîyan do bibedelno’ do Forumê Cinîyan yê Stenbolî pê bîyaro û vat ke forum de do xerîtaya demo newe bêra dîyarkerdiş.

	&nbsp;

	Cinî Pîya Bi Hêz î (KBG) 8ê Çeleyî de Kadikoyî de do çalakîya ‘serewedarnayîşê cinîyan do bibedelno’ bêrî têhet. Cinîyan dîyar kerdî ke çîyê ke wazenê bibedelnî kerdî rojeva xo û na çarçewa de xebatan rayra berdî û bi nê hêzî do Forumê Cinîyan yê Stenbolî pê bîyarî. 5ê Sibate de roja yewşeme saet 11an de Keyeyê Kulturî yê Nazim Hîkmetî yê Şaredarîya Şîşlîyî de do cinîyî bêrî têhet.

	&nbsp;

	KBGyî ra Nazli Andane derheqê muhîmîya forumî û mesajanê ke do forumî de bêrî dayîş de qisey kerd.&nbsp;

	&nbsp;

	Serewedarnayîşê ma do bibedelîyo&nbsp;

	&nbsp;

	Nazliye bale ant serê polîtîkaya şerî yê îqtîdarî ke rayra beno û wina dewam kerd: “Ma bi raştîya şerî dekewtî 2023an. Ma proseso ke çekê kîmyewî rojeve ra nêkewenî de dekewtî serra newe. Reyna sey KBGyî ma vatişê xo vat. Ma vat ke ma aştîye wazenî, ma wazenê ke butçeya şerî cinîyan rê bêra cîyakerdiş. La hêrişê hemverê destkewtişan, şer û feqîrîya cinîyan dewam kerd. Pêkerdişê Stenbolî ame wedaritiş. Qanûnê hûmara 6284î pê nîno. Vera înan desturêk bingeyîn yê nêseyyewbînan û îstîsmarê cînsî vejîya vernîya ma. Meşrukerdişê îstîsmarî mird nêkeno, pê desturê bingeyîn zî kenî binê asayîşî. Desturê Bingeyîn yê neseyyewbînan rojeve de yo. Bi desturê bingeyîn reyde do cinîyê bi turban û bê turban yewbînan ra bêrî dûrîkerdiş. Ma bi sloganê ‘serewedarnayîşê cinîyan do bibedelno’ 8ê Çeleyî de Forumê Cinîyan pê bîyarî.”

	&nbsp;

	‘Do xerîta bêra dîyarkerdiş’

	&nbsp;

	Nazliye da zanayîş ke forumo ke pê bêro do xerîtaye dîyar bikero û wina dewam kerd: “Rojeva ma de butçeya ke seba dîyanetî yena şuxulnayîş, rejîmê îslamî sîyasî, desturê bingeyîn, şîdetê camêrdî, qanûnê înfazî û bêcezaverdayîşê şikinê hedîseyê cinîyan estî. Ma bi îqtîdaran wazenê cuya xo zî bibedelnî. La cinîyî zanê ke bade weçînayîşî zî do her çî nêkewo rayîr û do têkoşînê ma dwam bikero. Ez veng dana heme cinîyan ke beşdarê forumo ke do saet 12.00î de merkeze Kulturî yê Nazim Hîkmetî de pê bêro, bibî.

	&nbsp;

	&nbsp;

	

	&nbsp;